[maroo]

السلام عليكم

اهلا بيكو
دى الحلقة الثانيه من مجموعة حلقلت شباب اليومين دول
اتمنى انها تنال اعجابكم جميعا واتمنى انى اجد الشاركة من الاعضاء المهم

الموضوع غريب بس انا عندى كام تساؤل كده جوايا نفسى اننا نحاول نجدلهم اجابة عايزة اشوف اجابة الاسئله ديت منكم انتم حاولوا تفكروا وتفهموا معنى الكلام والاسئلة دى لان اكيد ليها هدف
انا من جوايا مفكرتش ولا رتبت علشان اكتب او اخرج او اكتب الموضوع ده بس انا اتعودت انى اعبر عن الى جوايا فى مواضيعى ومش برتب للكلام ولا بحاول انى اصيغ ولا انثر الموضوع بطريقه شيك وكده علشان ينال الاعجاب انا اتعودت معكم على الصراحة ومش بدور على الكلمات المرتبة المنسقه علشان اكتب موضوعاتى يعنى من الاخر اى موضوع هتقروه هيكون نابع من جوايا انا ومن احساسى انا

الموضوع ياجماعة عن الحب كل واحد مننا اكيد حب ونفسه من جوه نفسه انه يعيش قصه حب على الاقل يحب ويتحب ولكن الموضوع ناس كتير اوى اتكلمت وعبرت عن الى جواها عبرت عن الحب اتكلمت عن الحب بس ياترى سؤالى هل الكلام ده احنا فعلا بنعمل بيه هل فعلا احنا عارفين يعنى ايه حب لا للاسف اصبح معظم الكلام الى احنا قلناه او بنقوله اصبح مزيف محدش بيعمل باى شىء كل يوم بشوف افعال غريبه من الناس بتبين ان الحب اصبح عملة نادرة الوجود هو فى حب موجود بس هل ياترى دوت حب حقيقى هل دوت فعلا حب بمعنى كلمة حب؟؟؟؟؟ طيب هتسالونى يعنى ايه حب انا بصوا هقولكم شوفوا الموجود دلوقتى وانتم بقه بعقلكم احكموا دوت حب ولا مش حب؟

اقولكم ايه الموجود ناو بنا لااسف اصبح بداخل كل واحد فينا حب الذات ده حاجة كبيرة اوى اصبح كل واحد فينا بيفكر فى نفسه بس محدش بيفكر فى حد حواليه كل واحد بيقول يالاه نفسى انا هفكر فيكوا ولا هفكر فى حد غير نفسى ليه المهم انا بس محدش تانى غيرى انا مع ان الله سبحانه تعالى نهانا عن حب الذات عن حب النفس بس تقول لمين كل واحد بيفكر ويشوف حاجه فى ايد غيره يقعد يبرطم بينه وبين نفسه ويقول اشمعنى هو عنده وانا لا ويبتدى بقه تظهر النزاعات والحقد والغيرة تشتغل وكله بقه يحارب فى كله ومحدش بيدور ولا بيفتكر حب لاخيك ماتحبه لنفسك محدش عاد فاكر الا نفسه ياخرابى ايه ده بجد حاجة توجع وتقرف طيب قبل ماتفكر فى نفسك مفكرتش او محتطش مكانك مكان الشخص الى انت بتحقد او غيران منه مفكرتش لو انت مكانه وهو مكانك مفكرتش احساسك هيكون ايه؟؟؟؟ لا كله غافل نعسان ده حاجة من الحاجات

نيجى لحاجة تانيه اتنين اصحاب وفل الفل واحد فيهم بيحب فولانه يبتدى صاحبه يوقع بينه وبين حببته اصله هو كمان لااسف وللخيبه بيحبها ومش ذنبه بقه هو بيحبها ومش عايز غيرها ميهموش بقه هو كل الى بيدور عليه نفسه وبس المهم هو يكسب الجو وبس ولو عمل كده يبقى مش بيحب صاحبه ولا بيحب حببته لانه لو بيحبهم بجد كان اتمنالهم الخير وحاول انه يوفق بنهم مش يبعدهم عن بعض

حاجة تانيه
واحد او واحدة عارفه ان فولان بيحبها او عارف ان فولانه بتحبه وبتموت فيه تفتكروا ايه الى بيحصل لا انا مش بحبك يبتدى يزل فيها يبتدى يتعبها بكلامه بافعاله ماهو عارف انه مهما عمل هيا هتفضل تحبه طب ليه تجرحها ليه تتعبها ليه تفكر فى نفسك بس ليه مفكرتش فى مشاعر الانسانه الى قدامك ليه مفكرتيش فى مشاعر الانسان الى قدامك ليه تزله بحبك انتم فاهمينى طبعا وعارفين يعنى ايه زل اه زل لا ينطبق على الشخص ده الا انه بيزله او بيتعبه بيبهدله علشان بيحبه مفكرش انه ممكن فى يوم من الايام يحصله نفس الى بيحصل للشخص دوت مفكرش فى نفسه ليه يجرحها او تجرحه ليه ميحاولش يحل الموضوع باسلوب حكيم ليه؟؟؟؟؟

حاجه كمان
اللعب بمشاعر الاخرين او زى ماقولتكلم وسميته حب الموديلات او حب التغير اصبح الشباب والبنات تفكيرهم دلوقتى فى التغير والتجديد حتى فى الانسان الى بتحبه او مرتبطه بيه ازاى اقولكم احمد شاف منى وحبها وارتبط بيها فجاءة شاف منال واتكلم مع منال حس انه بيموت فيها ولااسف راحت عليكى يامنى منى ايه منال تكسب منال البريمو ويفضل على ده الحال ولا يهمه غير انه يملى اللسته ماهو واد دنجوان روميو واد حبيب محدش قده فى الكلام شريط شغال المهم انه يعيشله يومين وخلاص ممكن نسمى الشخص دوت هوائى وممكن نقول عليه انه انسان مستهتر ميعرفش يعنى ايه حب المهم انه يضحك على البنات وخلاص ولااسف برضه فى بنات كده بتكلم اكتر من واحد واحدة مش بتضيع وقتها المهم انها تعيشلها يومين النهاردة مع محمد بكرة مع صبرى بعده مع صلاح المهم انها تقضيها ده يجبلها موبيل ده يشحنلها مع ان الملاحظ ناو البنات هيا الى بتجيب مش الواد ولا انتم شايفين ايه؟؟؟؟؟؟؟؟؟

واحد بيحب واحده وحببته تفاجىء بيه متغير معها وتكتشف انه بيكلم بنات غيرها ولما تقوله انت بتكلمهم ليه يقولها انت الاصل والاساس والباقين دول تسليه انت الى فى قلب طب بزمتكم ده يبقى اسمه حب؟؟؟؟؟؟؟

ايه رايكم فى الامثله دى مش ده الى بيحصل تفتكروا ده الحب بس مش معنى كده اننا كلنا كده لا اكيد فى ناس فينا بتحب بجد فى ناس فينا بتعرف يعنى ايه حب بتعرف يعنى ايه اخلاص بتعرف يعنى ايه تفانى وتضحيه تعرف تحب وتتحب ونرجع نجيب العيب على الحب وعلى الى بيحبوا والعيب احنا السبب فيه يا خسارة ويالف خسارة على الى حب ومطالش ولااسف كلنا ماشين تحت شعار احنا بنحب واحنا منعرفش يعنى ايه حب وبجد انا مش متشائمة بس الامثلة قدامك ولو انا غلطانه نقشونى السؤال بقه ليكم يعنى ايه حب وكل واحد شايف الحب ازاى؟؟؟؟؟؟؟؟؟؟؟؟؟؟؟؟؟؟؟؟

maroo]