|
هايله يا فارسه هايله بجد موضوع في منتهي الاهميه ومحتاج المناقشه فعلا ومحتاجين نعرف بجد ليه كده
ليه مافيش شغل ليه مش بنجتمع بجد في اننا نحاول نلاقي شغل
بس في حاجة كمان بجد بجد الشباب مظلومين في الموضوع ده
لان الشباب بيدورو فعلا ومش بيلاقو شغل لعده اسباب
واهمها الوسطه فعلا وكل من ابن فلان هو اللي ليه الاولاويه في الشغلانه دي
رغم انه ممكن يكون خريج قسم زباله تخصص مناديل ورق بس برضه بيشتغل احسن الشغلانات في مكان واحد تاني عنده كفاءة منه ومهاراته احسن فيها بس تقولي ايه بقي
الحاجة التانيه ان البلد نفسها مش مساعده الشباب علي كده بتزنق كل حاجة وبتعطل كل حاجة وبتعقد كل حاجة
وحتي المشاريع لما واحد ابن حلال كده تيجيلو فكرة مشروع ويبقي متحمس ومستعد يتحدي الدنيا كلها علشان يعمل المشروع ده
تيجي عواقب السجل التجاري وعواقب العداد والنور وعواقب لا مسموح ولا مش مسموح
انا طبعا مش بعترض علي القوانين بس مش هي دي اللي انا اقصدها اللي انا اقصدها هي اعملك عقده علشان تديني فلوس امشيلك بيها الحال
طيب ولو الشاب ده عايز يبدأ حياته من غير رشوة ومن غير حرام يعمل ايه يبطل يشتغل يبطل يعيش في البلد دي ولا ايه
اما بقي عن الاجتماعات الارهابيه او اي اجتماعات قصدك عليها دي ممكن اقولك انا بتحصل ليه
عارفه بتنجح ليه الاجتماعات دي؟ علشان الحكومه ماتعرفش عنها حاجةيعني بعيد عن نظرهم يعني هاتمشي حلو اوي من غير تعقيد ومن غير عقد ههههههههههههه
وعلشان كده بتنجح التجمعات دي كويس اوي لكن لو الحكومه عرفت عنها خبر يا سلااااام علي الفريسه اللي وقعت تحت ايدهم اكيد التجمعات هاتفشل حتي لو مش كانت تجمعات ارهابيه وكانت تجمعات لمشروع معين مثلا خلاص طالما الحكومه عرفت بيها يبقي عليها السلام وعلشان كده التجمعات الخفيه بتنجح ههههههههههه
وحاجات كتير كتير كتير مالهاش عد لو اتكلمنا فيها مش هانخلص
علي العموم ربنا يكون في عونا ويصبرنا علي ده الحال
تسلمي يا فارسه
التعديل الأخير تم بواسطة : barby بتاريخ 06-26-2006 الساعة 10:32 AM.
|