[اللهم رضاك والجنة]

في آية في سورة الحديد رائعة ...بتقول :

" اعلموا أن الله يحي الأرض بعد موتها قد بينا لكمالآيات لعلكم تعقلون "

عارفين لما بقرأها بحس بإيه ؟؟؟

بحس بطبطبة علي كل قلب موجوع ....ربك كريم أوي ولايمكن يسيبك ...بس ألجأ له كده وروح وخبط علي بابه وقول له يارب مسكين مليش غيرك ....



طيب وده إيه علاقته بالأرض والحياة والموت؟؟؟



أقولكم يا شباب ...بس صلوا الأول علي النبى ....

أصل الآيةاللي قبل الآية دي بالظبط ...كانت آية العتاب للمؤمنين ...



" ألم يأن للذين آمنوا أن تخشع قلوبهم لذكر الله وما نزل من الحق ولايكونوا كالذين أوتوا الكتاب من قبل فطال عليهم الأمد فقست قلوبهم وكثير منهم فاسقون "



الصحابة أول ما سمعوا الآية دي بقوا يروحوا يخبطواعلي أبواب بعض يبكوا ويقولوا ..انظروا إلى عتاب ربكم لكم ...



طيب تخيلوا معايا شكل الصحابة كان عامل ازاي بعد ما سمعوا الآية دي ؟؟؟

أعتقد انهمكانوا تعبانين جدا ....قلبهم وجعهم من عتاب ربهم ....

بس القلبموجوع من حاجة تانية كمان .....

إنهم عايزين يغيروا بسرعة الوضع ده ...بس ياترىإزاى ؟؟؟



أصل أمر القلب ده مش سهل تغييره ...يعني ممكن أقول لحضرتك ...باللهعليكى حافظى علي الصلاة في أول الوقت ...فأنتى تاخدى بالك وعالطول أول ما تسمعىالآذان تصلى ...



ولكن اقولك أنتى مش بتبكى من خشية الله كتير ...بالله عليكي أبكى أكتر ..

ده بقى صعب ...لانه محتاج أن القلب هو اللي بتغير ...

طيب والقلبده يتغير أزاى ؟؟؟



أقولكم ....

القلب ده أكثر الآلات تعقيدا في جسدنا ....

وغالبالما حضرتك تروح تغيره حتلاقى في زراير كتير مش عارف تضغط علي مين منهم بالظبط ...

ياترىالزرار الأحمر ...ولا الأخضر ..ولا الاصفر ...



أقولك ...أحسن حاجة روح للى عمل القلب ده ويعرفه اكتر منك ...وقولهمشكلتك وهو يحلها عالطول لانه عارف المفتاح للمناسب له ..



طيب تعالوا نرجع تانى للصحابة ....

همادلوقتى جايز محتارين ...مش عارفين يعملوا ايه غير أنهم يبكوا علي عتاب ربهم لهم ...



فربنا برحمته بيهم بيعت لهم المفتاح في الآية اللي بعد الآية دى ...



" اعلموا أن اله يحي الأرض بعد موتها قد بينا لكمالآيات لعلكم تعقلون "



فيضرب لهم مثل بالأرض الميتة ...اللي كلنا حنقفأمامها ونقول دى ماتت خلاص ....

ولكن ربنا سبحانه وتعالي هو القادر علي أن يخرجمنها الحياة من جديد ...فترجع تزرع وتنتج من جديد ....



شفتوا ربنا إزاى قادر علي إحياء شيء ميت؟؟؟



طيب ما القلوب برضه كده ....

مش هى دى الأرض اللي بنقضى فيها كل حياتنا نزرعفيها الصفات الجميلة والمعانى الإيمانية ...ونشيل منها أي نبت شيطانى ممكن يطلعفيها ...

طيبلو جزء من الأرض دى مات ...مين اللي يقدر يحيه؟؟

أنت؟؟

لا أنت مجردعامل ...تزرع الأرض ...لكن اللي يحيها ويخرج منها الثمار هو ربنا سبحانه وتعالي ....



فلما تحتاج مساعدة ...لازم تلجأ أول وقبل أي شيء لربك ...صاحب القلب ....

ألجأ له ...و أشكى له ما به ...وحتى والله من غير ما تشكى ...أنت ناسي أنه عارف كل حاجةجواك من غير ما تنطق بيها ....عارفها حتى أكتر منك أنت شخصيا ...



طيب يا شباب ...هو بس منلجأش لربنا إلا لو مات جزء من قلبنا؟؟؟



ليه نستنى لما جزء يموت ؟؟؟ ... ليه منلجأش ليه من أول ما نلاحظ انهفيه علامات لمرض القلب. ؟؟؟؟

لو حد فينا حس بألم في جزء من جسده مش عالطول بيدور علي الدواء ....علشان يسكن الألم ده ؟؟؟

طيب برضه لما تحس بوجع في قلبك اوعى تستنى ...اجرى بيه بسرعة عليمولاه ...وطالب منه العون والمساعدة ....



لو مش علشان أنفسنا ....يبقى علشان الأمة اللي محتاجة كل قلب من قلوبأبنائها يكون صحيح ....



علشان الاسلام اللي محتاج رجالة قلوبهم قويةيقدروا يشيلوا الحمل التقيل ويأدوا الأمانة المطلوبة منهم ...