[كندري]

الشيخ هذه المدينه الجميله والساحره تبهرك بروعتها وبرحلاتها وتخليك اذا مالك خلق شي وقاعد من غير شي اتسوي رحله شلون ماتدري ياسبحان الله

المهم في رحلتنا السابقه لشرم الشيخ وفي يوم من الأيام الخوالي كنا قاعدين انا وصديقي الصدوق على شاطئ البحر وكانت عقارب الساعه تشير الى مادري جم بس الصبح مبجر
وكنا قاعدين نتأمل الطبيعه شوي يسار وشوي يمين

ونطالع مناك ونشوف مني

جان انشوف هاليخوت الحلوه راسيه على يال البحر مممممممممممممم
جان تطق براسنا فكره انه نقوم برحله إلى منطقة راس محمد عشان نسوي دايفينج ونشوف الشعب المرجانيه
في المره اللي طافت ركبنا غواصه هالمره لأ هالمره غير احنا اللي بنعوم ونغطس ونسوي عمايل مااتعملت في الدنيا العالميه فقررنا ان نأجر يخت مع مجموعة من الأنجليز وتوكلنا على الله ويبنا معانا عدة الغطس
تتكون عدة الغطس من ....
1- هوز للتنفس تحت الماء
2- زعانف تتركب بالريول عشان تساعد على السباحه بشكل سلس ومرن
3- لايف جاكيت اذا مالك خلق ومافيك لياقه
4- نظارات عشان تشوف على راحتك وانت تحت الماء
فركبنا على متن اليخت سندريلا .... ماراح اقول اي سندريلا فيهم ... طبعا اهمه مجموعة يخوت اسمهم سندريلا من واحد الى مادري جم بس وايد ماشاءالله

هني عاد ركبنا وتونا بنحرك بسم الله والا واحد يصارخ هههههههه
شالسالفه ؟؟
تعالوا شوفوا الصوره القادمه وتعرفون شفيه

واحد من هالاجانب مضيع وراكب ويانا وبعدين اكتشف انه مو من ضمن رحلتنا فنزل في مركب صغير ويبي يروح حق ربعه .. ذكرني بفلم قديم

مو قالولك اسم مركبكم سيزريلا شكو ياي في مركبنا سندريلا وثول ؟؟
يامال الشقول بس

وبدأت الرحله ... وتعالوا الحين نشوف شكو ماكو بالرحله

هذا العم عواد اللي شفتوه
والحين تعالوا نتلقى التعليمات من منقذ الرحله الغواص الماهر

اهو خلونا نشوف شنو موجود على الرسمه

بامكانك وانت ماشي في الطريق ان تستمع الى المذياع او المسجل الموجود في اليخت

وبدأنا في الانطلاق في اسطول سندريلا وبدأنا في سباق مع المراكب الأخرى

ههههههه جان نسبقهم عاش العم عواد اديلوه ياعم
وعبرنا بحور ورمال وقطعنا طريق طويل للوصول الى نقطة رأس محمد عشان نغطس
ونمشي ونمشي ونمشي لمدة تقارب الساعه وشوي لييييييين مانوصل
طبعا اهمه يودونكم الى ثلاث مناطق للعوم والغطس فخلونا نشوف احدى هذه المناطق عشان نشوف بعض من الغطسات اللي صارت

وصلنا حق احدى الاماكن اللي بنغطس فيها

صديقي قاعد يتزهب عشان يغطس ها اعلم شنو صار فيك ؟؟؟ اقول ؟؟ ؟؟
لالا خلاص ماني قايل والا اقولكم ... راح اقولكم بعدين ^_^
طبعا صاحبنا هذا اللي شفتوه صارت له مواقف مادري شلون صايره واهوه قاعد يعوم هههههههه راح تعرفونها ان شاءالله بالتفصيل الممل بعد شويه بس خلونا نشوف الحين شويه من الغطسات
اول شي معلومه منطقة العمق للغطس تبلغ 9 امتار واحنا هني حدنا اذا ذبحنا اعمارنا على مترين فشلون هالمره بنجازف ونغامر على 9 امتار ؟؟؟ فخلونا نشوف شنو صار



لحظة الغطس والدايفينج

هني في هالصوره العالم قاعدين يغوصون ويعومون ورفيجي مطلع راسه اي ليش عاد
يبا تدرون شلون خل اقولكم سالفته
أول شي صاحبنا مو متعود لاعلى نظارات بحر ولاهوز مال تنفس ولابطيخ وانا بعد هم مو متعودين على هالاشياء هذا للعلم
فحسباله انه العمليه سهله يعني شافهم يلبسون نظارات والهوز مال التنفس ويطبون من فوق اليخت في البحر .. فصاحبنا تحمّس شوي وقال بيسوي مثلهم
اهو لبس كل شي جان يطب مثلهم ماوعيت الا اللي قاعد يرافس في البحر هههههه هذا اشفيه ؟؟ اثاري المسكين الماي داش عليه بالعكس بحلجه من هوز التنفس أخخخخخخخخخخخخخخخ شوي والا مطلع راسه من البحر جان يقط الهوز آبو الهوز آبو اللي سواه
فمن جذي مسكين تشوفونه من غير هوز ومطلع راسه بالصوره ^_^
نروح للموقف الثاني اللي صارله .. مسكين لابس لايف جاكيت وطاب في البحر انا كل شوي اشوف صاحبي ينزل في البحر ويرد يطلع ينزل ويطلع مره ثانيه هذا شسالفته اليوم ؟؟ جان اقوله فلان شفيك ؟؟ جان يقولي اللايف جاكيت خوّن فيني كل شوي يتبطل وانا في البحر ههههههههههههه وكل ماتبطل اللايف جاكيت اهوه ينزل قوع وعلى هالحاله لين ربط اللايف جاكيت وفك عمره
وفي ظل هالموقف المسكين نشبوله هالعيايز الثنتين هذيل اللي بتشوفونهم الحين

كل شوي وماسكين فيه يتعبون هالعيايز من السباحه ويمسكونه حسبالهم امسّكت يعني ... مايدرون رفيجنا يالله يعابل بعمره لووووووووووووول
المهم خلصنا من رفيجنا خلونا نشوف بعد شوية من البحر ^_^

طبعا هذي سالفتها سالفه ... طول مااهيه في البحر مارفعت راسها بعدين اكتشفنا انها ماتعرف تسوي شي لاتعوم ولاتسبح ولابطيخ على الله وعلى منقذ الرحله امشبصه فيه ماهدته

وعليكم السلام حياكم الله ها شلون البحر ؟؟
المهم وفي وسط هالمعمعه واللويه شوي والا ......

وليـــــــــه شنو هالرحله اللي مو مترقعين فيها ؟؟؟؟
انزين هدوا الرياّل خل اييب الحبل عشان ماتباعدون عن المركب يايبا
شفيكم ماسكينه ؟؟؟ هىهىهىهى

ولازال منقذ الرحله يحاول الأمساك بالحبل
تدرون شلون يبا ؟؟؟ خلاص انا اخليكم الحين خل البس عدة الغطس وأطب وياهم
يالله اشوفكم على خير ان شاءالله في رحلات قادمه بأذن الله تعالى