[Bsom]

تقريبا مفيش حد من بينا ما ركبش الباص العمومي يعني باص المواصلات , ولما تقعد بالباص , توقع انو اي حد يقعد جمبك .. بجوز تقعد بجنب دكتور , مزارع , مهندس , طالب عادي , او مجرد واحد اهبل ( من جماعة اثو اثمك؟) او حتى استاذ جامعة ..
كل شي ممكن في الباص .. الناس متساويين واقطع كرتك وإسحب نفسك على شغلك او تعليمك ..
مرات بكونش جاي على بالك تتكلم ..
بس الي جنبك ( من جماعة راديو وشركائه) جاي على باله يتكلم , فلسانه ببدا بمشوار الالف ميل , وانت بتبتسم بينك وبين نفسك ..
ولك اسكت ياااااا اسكت يا عم يا اخ يا اب يا محترم !!! ومفش امل ...

او حتى بجوز الامل انك تربح باللوتو 10 مليون جينيه ازيد من امل سكوت اخينا..

طبعا كل هذا اذا اصلا قعدت في الباص .. لانه في كثير مرات بكون ركوب الباص على الواقف ..

طبعا اذا انت بنت مش ممكن تفضلي واقفه .. ليش ؟؟؟؟؟؟؟؟؟

الصراحة مش لانه الشباب عندهم نخوة .. لا لأ لا عاااا ( سوري احذفوا كلمة عااا لانها بالغلط)

بس لانه لما انت تكون قاعد وفي شاب على شمالك واقف وعندو شوية عضلات , بقولك قعد البنت ... زي تقول المقعد لسح اسح امبوه الواد طالع لابوه .. وركزوا عكلمة ابوه ..

عشان كده لما يفوت الشب على الباص لازم يدور على زاوية صعب اي بنت توصلها..

مثلا يقعد على البسطة ورا السواق , او على اخر سرب كراسي , جنب 4 شباب ..

او الكرسي جنب السواق , عشان يستمتع بالرحلة !!! واشوف بنت ابوها تقول له بليز قوم ...

خليه يقولها إبليس انا ما بقوم !!!

بس الباص ركوبه صعب يا جماعة .. يعني اذا الباص لف كوربة محترمة (وبنت ناس) بتلاقي المساكين ماسكين بكراسي بعض عشان ما يوقعوش .. والي بحضن بشنطة صاحبه والتاني ماسك بمنديل الحجة الي قودامه .. والي مقربط بذان ختيار رايح على فحص سمع ...

وبعد ما يستقر الباص ويمشي الحال .. برجع الامن والامان للركاب.. وبتبدا تحاول تستمتع بالركبة الحلوة...

بس ( وانا بخاف من التبسبس – والتبصبص) .. فجاة السواق شعرو بشنك وبصير (سبايكي مع جيل) .. وبصير يصرخ انت يا ابو الجوكيت البني دخل ايدك من الشباك , ونزل راسك.. وانتو يلي واقفين دبرو حالكم مش عايز اشوف حد واقف في بوليص , بسرعة .. وكده هتضطر تقرمز وتوطي راسك وكانك عامل دبسية بطاطاس , اسف قصدي عملة..

والادهى لما تكون انت قاعد على الكرسي البرانية وفي جنبك واحد قاعد على الكرسي الجوانية وبالممرات واحد واقف .. لما يكون عايز الي قاعد جنب الشباك يطلع , تقوم وتمرقه .. كل ما بدو حد يمرق بدك توقف تمرقه وترجع تقعد مكانك ..

ومرات بس تقوم تمرق واحد ناصح , وعايز يطلع من الباص .. بتجنب كثير تا يعرف يمرق , بترجع على كرستك بتلاقي واحد قاعد محلك .. وعامل حاله مش داري شو بصير ( وهنا يتدخل فليت من عالم الصراصير وطسة خفيفة عمشاعرك بتذوب وبتظلك ساكت)..

وكلو كوم ولما يبدا الي قاعد جنبك يوخذ راحته ويحكي بالتلفون مع بنت ,,, وهنا بتدخل لعالم وشوشني بوشوشك زغزغني بزغزك ... اوف اوف اوف .. ولاوووووو اي ده مصنع دلاعة بليز احرقوني بولاعة !!!

وقال ايه قال ايه ( وبعيدها بالتصوير البطيء) قا ل ا يه قال اي ي ي ه ؟؟ بحبتش ؟؟؟؟؟ شو بحبتش ؟؟؟؟ اسمها "بحبك" وباللغة العربية الفحصى "احبك" وباللغة الانجليزية "اي لاف يو" ...

وقال معبي التلفون اغاني .. وبصير يسمعها الاغاني الي بحبها ..

بيجيبوها منين ؟؟؟؟

قال بقولها نزلتلك عزفة جديدة ( منتي نزلت لستها العزفة الجديدة يعني مش لوحدك نزلتها؟؟) اه اه نزلتها عشان تسمعها للحبيبه .. يا بنزل صوت ربابة يا واحد بجعر ..

قال وعامل نفسه بالاغاني اصيل وصاحب شروش ( ولك اه يا شاكوش) .. قال بسمع فيها اغنية من سنة الف وتسعمية وخشبة فيها مسمار.. من الاغاني الي كان يسمعها خفرع ابن جعفر في عصر الجدة توتة !!! وك انا عارف وك امشي روح !!!! اطفي التلفون بسرعة ليسمعك حد..

بس السفرية في الباص ما بتنتهي ببساطة .. خصوصا السباقات الي بتصير بين السواقين .. يعني السواق مستعد يشطب 40 واحد عشان بس يسبق الباص الي قودامه على الطريق السريع .. لا انا بقول نزلنا وكمل لوحدك ..

وهاي اذا في سواقة باص ثنين بتسابقوا .. والسواق الي سابق شاف راكب في محطة الباص بصير يفكر " اذا وقفتله الي وراي بيسبقني ؟" "واذا ما وقفتله الي ورايا بوقفله وبوخذه وبقولي مني وقفت عشان كده سبقتني؟ اعمل ايه اوقف ولا ادعس اقولك وعنننننننننننننننن اخبط !!!

بس احلى شي بتركيا .. كل خمس دقايق يجي باص .. كنت اشتري بطاقة بتسمح لي اركب عشر مرات .. كنت اركب واخلص البطاقة كلها...

اقعد بمكاني ما في صياح ولا فوضى .. في هدوء .. الشوفير(السواق) لا بتكلم ولا الي جمبك بتدخل فيك .. وحتى لو عايز يتكلم مع حبيبتو بقولها انا في الباص بحكي معك بعدين .. والباص من جوا نظيف بلمع لمع .. والشوفير ما بسرع ولا بسابق ..

واحلى احلى شي انك لما تنزل من الباص الشوفير بستناك لما تنزل كلك مش زي عنا بفتح الباب وما بتلحقش تنزل الا هو مسكرو بظل راسك جوا الباص واجريك برا ... وطبعا بدك تكون على قد نفسك خليك تطلع..

ومتنسوش انو في دول اوروبية معينة الشوفير بقولك .. ثانك يو وبيبتسملك شوي .. وبقولك هاف انايس ديه ..

سبحان الله زي عنا في البلد .. وانا بالمدرسة الابتدايه كان الشوفير يقولي " يلا انزل يا بت ".. وما بلحقش انزل رجلي اليمين الا الشوفير ماشي , نصي على الرصيف ونصي الثاني في وش الشوفير .. وهوا يضحك هع هع هع وبصراحة بالمرة مش هع ..


تشاو بعلبة كاكاو

وخلونا ع السحجة يلا .. هلا هلا

- اختكم بسووووووووووم-