أولا كل سنة وانتم كلكم طيبين بمناسبة عيد الفطر
ثانيا المفروض ان رمضان ده شحنك لباقي السنة يعني مش زي ما احنا فاكرين ان رمضان خلص يبقى الحمد لله عملنا اللي علينا في حق ربنا وكدة خلاص
يعني كان الصحابة (رضي الله عنهم جميعا) يعدوا ست شهور يقولوا يارب بلغنا رمضان والست شهور اللي بعدهم يقولوا يا رب تقبل منا رمضان يعني كانت حياتهم كلها كأنهم في رمضان
كمان العلماء بيقولوا ان مقياس تقبل رمضان هو عبادتك بعد رمضان
يعني لو ربنا فعل تقبل رمضان يبقى هيثبتك على طاعته ولو متقبلش رمضان (لاقدر الله) يبقى مش هيعينك على طاعته ومعتش هتحس بالقرب اللي كنت فيه أيام رمضان
من الطبيعي جدا اانا نحس بفتور شوية بعد رمضان وان العبادات تقيلة علينا شوية وده لأن الشيطان بيكون لسة مفكوك وطالع بقى عايز يعوض الشهر اللي اتعطل فيه فاحنا بس نحاول نثبت أول أسبوع وربنا قال في الحديث القدسي "من تقرب إلي شبرا تقربت إليه ذراعا ومن تقرب إلي ذراعا تقربت إليه باعا ومن أتاني يمشي أتيته هرولة" فاحنا بس نقرب لربنا وهو والله هياخد بإيدنا ويعينا