هم يحزن وهم يبكي
فعلا حال بلدنا بقى يصعب على الكافر بس برده أنا بحزن لما ألاقي أمثلة للاستسلام للواقع في مجتعاتنا
فين الشموخ والعزة المصرية وفين التصدي للجبابرة
تلاقي حد يقولك يا عم الباب اللي يجيلك منه الريح سده واستريح وطاطي للريح لما تعدي واجري ورا لقمة عيشك وعيالك وملكش دعوة بحد
يااااااااااااااااااااااااه للدرجة دي معتش عندنا كرامة، وصلنا للدرجة دي من الانهزامية
لا واللي تلاقيه يقولك خلينا ماشيين واللي في النصيب يقدمه ربنا وتوكل على الله بدون ما يبقى في عمل أساسا ومعتش في أحلام وطموحات
لما تسأل أي حد ايه أملك يقولك يا سيدي ما كلنا في الآخر مصرنا عارفينه
ليه اليأس ده
مش المفروض إن احنا نبقى كدة المفروض نحلم ولو فشلت احلمتاني وحاول واعرف ان الفشل مش انك متنجحش لكن الفشل انك متحاولش