السلام عليكم
وحشتونى اوى اوى اوى طبعا
ايام كتيرة بعدناها عن بعضينا
اكيد كانت ظروف خارجة عن
اريدتنا بس اكيد كلنا رجعنا تانى
واكيد الفرسان رجع تانى نعتبر
الفترة الى عدت ديت كانت فترة علشان المنتدى يرجع احسن
من الاول وعلشان نوحش بعض
اكتر واكتر وبجد انتم وحشتونى
اوى اوى اوى اوى وانا رجعت
ليكم اهوت واكيد مش هرجع
وايدى فاضيه انا رجعت بموضوع
نفسى بجد انه يلاقى عندكم
حسن الاستماع اكيد احنا كلنا
كنا فى فضل عظيم شهر رمضان الكريم وخلاص معدتش فى الشهر حاجة وخلاص خلص رمضان زى
ما اى حاجة بتخلص للاسف
طيب العمر بيعدى كل حاجة
بتعدى ماتيجوا كده نقول لبعضنا
احنا عملنا ايه فى الشهر ده طبعا كميه المسلسلات مش قادرة
اقولكم كانت ازاى ياه كبيره
وكتيرة جدا وبدل المسلسل 9
ويمكن اكتر ماشى جميل ده المسلسلات اوك طيب خلاف
متابعتنا للمسلسلات والحاجات
دى احنا استفدنا بايه من الشهر
ده هل لو لينا صاحب او قريب
زرناه او على الاقل اتصلنا بيه
وقولنا ليه كل سنه وانت طيب
يافولان حاجة حلوة كنت
بشوفها اننا احنا المصريين
بجد اننا بنحب بعض يعنى
كتير اوى كنت بتاخر عن
الفطار فى البيت حاجة جميله
كنت بشوفها من الناس تلاقى
الناس توقفك الى يديك بلح والى
يديك ساندوتشش وغيره ياترى
روح المحبه دى فى رمضان بس
وحاجة كمان شوفتها ان الجوامع
مش بتتملى الا فى رمضان بس
يعنى هو لازم رمضان يجى علشان نفتكر ربنا ونفتكر بعضنا ليه مش
بنخلى الايام كلها رمضان تساؤلات وياريت نتكلم فيها ياريت كل واحد يدخل ويقول ايه الى شافه
واستفاده من الشهر الجليل
ده وكل سنه وانتم طيبين
وبحبكم اوى