[داليا]

والله بجد حاجه فعلا تغيظ

تروح للاى موظف فى اى مصلحه حكوميه ويعاملك وكانك

شغال عنده ويعاملك بمنتهى قله الذوق

ومش بيراعى انك ممكن تكون تعبان او مضايق

مش بيهتم اذا كان اللى انت رايحلوه دا مهم ولا لا

ولا يهتم لو حتى اللى ادامه دا رجل كبير ولا لا

ولا تعبان ولا لا مبتفرقش معاه

لو رحت سالت عن اى حاجه

تلاقى الموظفه ولا الموظف بيعاملك بمنتهى قله الذوق

لدرجه انك تشك ان العيب فيك مش فيهم

بس تتاكد ان العيب فيهم لما تلاقى ان ناس كتير بيتعاملوا كدا برضو

ولو مثلا عايز تسال عن حاجه وممكن تخلص بالتليفون ميردوش

يا اما يرفعوا السكه وميردوش وتتضطر تروح تسال بنفسك

وبرضو محدش يفيدك

عرفت ان اى حد بيتوظف بيدولوا كورس رخامه

وقله ذوق

مش عارفه اذا كنتوا زيى بتعانوا من رخامه الموظفين

وبتعملوا ايه عشان تضطرهم يعملوكوا كويس

وياترى ايه السبب اللى يخلى الموظفين

يتعاملوا مع الناس كدا

ولا بتتعاملوا كويس ولا ايه بالظبط

وطبعا مش كل الناس زى بعض

وفى موظفين ذوق جدا وبيحترموا اللى

ادامهم اوى بس يمكن يكونوا قليلين

بس انا بتكلم عن الناس التانيه