[داليا]

بجد بحس اننا شعب غريب
شعب بيتجمع فيه كل حاجه واى حاجه
شعب من اطيب شعوب العالم وفى نفس
الوقت تلاقيه بيتخانق ويتعصب من اى حاجه
ومش طايق نفسه
شعب دمه خفيف جدا رغم الهموم اللى ملياه
من هم لقمه العيش والعيشه والشغل والتعليم
والزواج ومليون حاجه وبرضو ليه نفس ينكت و
يضحك وتلاقيه بيضحك ومش عارف هو بيضحك ليه
شعب دموعه قريبه اوى وتلاقى اى حاجه تاثر فيه
يوم ما تلاقى حد فى الشارع بيتخانق تلاقى الناس
كلها ملمومه متعرفش اذا كان عشان يحاولوا يفضوا الخناقه ولا بيتفرجوا
شعب تلاقيه بيجى ساعات على الغلباه وكل واحد يحاول يطلع كل الهم اللى فيه فى الغلابه وفى نفس الوقت تلاقيه يعطف عليهم شعب متقلب جدا
مش عارفه اذا كان طبعنا كدا ولا الظروف اللى فرضا علينا نتقلب ولا هى طبيعيه البشر
شعب تلاقيه يرتبط بحكامه بدرجه غريبه وكارهم بدرجه اغرب ويلعنهم فى الرايحه والجايه بس يجى حد يتغير تلاقى الناس زعلانه عشانه
ممكن تلاقي الناس تقلب على شخص جدا وتبقى مضايقه منه ويوم بس ما تلاقيهم يسمعوا انه فى محنه تلاقيهم اول حد يكون جنبه
ناس كريمه للابعد الحدود تلاقيه مش معاه غير جنيه ولو لقى حد صاحبه محتاج يديهوله
عندنا نظام الجمعيه اللى تقبضها اول واحد
بجد دا اكبر دليل على طيبه الشعب دا وخوفه على بعض
بس الاكيد شعبى اطيب شعب