[نيروو]

حد جرب كده كل فتره يقعد يعد الناس اللي يعرفهم و يشوف كام واحد منهم لسه صاحبه ... كسب كام واحد ... خسر كام واحد ....مين كان جدع مين كان ندل .... مين سد في وقت الزنقه ... مين طلع عيل

حد قعد يفكر محتاج يدي مين إستماره 6 من حياته و مين محتاج يعيد علاقته بيه زي الاول ... مين انت شخصيا كنت جدع معاه و مين انت كنت معاه قليل الاصل
بعد شويه تفكير بلاقي ان كل ما زاد عدد الناس اللي اعرفهم كل ما قل عدد الناس اللي حاسسهم انهم صحابي و مستعد اعتمد عليهم بشكل كامل
حاجه تانيه برضه لاحظتها ان اصحابي اللي هما اصحابي بجد هما الناس اللي اعرفهم من مده كبيره قبل ما يبقي الاهتمام المشترك هو الشغل او الدراسه
لكن الناس اللي بتعرفهم عشان ظروف شغلك كده او زمايلك في سكشن واحد او فرضت الظروف تواجدكم مع بعد بشكل دايم مش بيكونوا قريبين ليك بنفس الدرجه
امتي تقرر تعلم علي صاحبك (تعلم عليه يعني تميز من صاحبك من مين مصلحه)
ومش مكسوف اعترف اني معنديش القدره الكامله اني مش بعرف اغير معاملتي للشخص اللي اخد علامه إكس (ندل السنين) او (مصلحجي الحنين)
بيني و بينكم الواحد عنده كميه شخصيات عايزه شيفت ديليت من حياته و كمان شخصيات فرط فيها و انشغل عنها و محتاج يرجع صلته بيها
بقالي فتر بكلم صحابي بتوع زمان .... تصدقوا انهم لسه زي زمان .... بس ظروفهم اتغيرت كتير ... اللي مبسزط واللي متضايق واللي مسطول واللي فايق كل واحد في دنيا
عايز اعمل عمليه تعليم (علم علي صاحبك) واشوف كل واحد مكانه المفروض يبقي فين

منقوووووووووول