السلام عليكم
وحشتونى اوى اوى النهاردة انا جيه بموضوعى
ده وعايزة بجد كل واحد يقولى رايه فى
الموضوع ده بصوا انا كتبت الموضوع
ده ومسحته كذا مرة ورجعت كتبته انا بصراحة
زعلانه اوى من الى بيحصل اليومين دول بجد
كل يوم نلاقى واحد ووحده بيحبوا بعض وبعد
شويه معلش يا حلوة انا مش بحبك او بيبعد
عنها منغير اى اسباب او مقدمات انا مش
فاهمه ده يبقى اسمه ايه هو ده الحب بتاع
اليومين دول وياسلام بقه على الى يجى يقولك
انا محبتكيش اصلى كنت بحب اختك ويقول
الكلمه ويرميها ولا يعمل اى حساب ليها
ولا مشاعرها لاء تلاقيه بيعمل مشكله بين
الاختين ويخاليهم يخسروا بعض للاسف
حاجات كتير بتحصل اوى والواحد بيشوف
نماذج كتيرة اوى اوى وبضايق ن الى بيحصل
حاسه ان كل حاجة اتبدلت كل حاجة اتغيرت
حتى الحب اتبدل واتغير حتى احساسنا بلى
حوالينا اتغير محدش بيعمل اى حساب لاى
حاجة قال ايه كله بيواكب العصر انا بحس اننا
بنتخلف مش بنتقدم الحاجات الحلوة الى جوانا
للاسف بتموت وبتروح ومحدش بيعمل اى حساب
لاى حاجة لاء كله بيقول يالاه نفسى ومحدش
بيفكر فى اى حاجة
طيب بزمتكم مش مصرنا فى يوم من الايام لو
جرحنا حد اكيد الى الدنيا هتلف تلف وهندوق من
نفس الكاس مش هنتجرح زى ماجرحنا الى
جرحناهم ليه مش بنفتكر ولا بنحط فى بالنا الحته
دى ليه بنسى ان كما تدين تدان ليه بنسى ان فى
واحد لا يغفل ولا ينام الموضوع مش موضوع قصه
حب او ارتباط او اى شئ الحب مش شرط يكون
بين واحد وواحدة لاء الحب موجود بينا حتى فى
تعاملتنا مع اصحابنا حاجات كتير انا مش بخص
بالموضوع ده الحبيبن لاء انا بخص وبالاخص
الجميع احنا كلنا بيجمعنا بلى حوالينا الحب عارفين
لو كان هدفنا فعلا هو الحب اكيد بجد هنلاقى الدنيا
اجمل احنا جوة كل واحد فينا حاجة حلوة وكمان
حاجة وحشه انا نحاول نحافظ على الحلو ونقضى
على الوحش نحاول اننا ننسى ونقول حته اشمعنى
فولان عايز تكون زى فولان فيكون فى الحاجة
الحلوة مش الوحشة ده يا جماعه الى عايزة اقوله
بجد انا رجعت ورجعت بموضوعات تكاد تكون
مؤلمه المشكله انا واحدة من الناس يمكن بطبيعه
شغلى بواجه وبقابل ناس وبشوف تصرفات الناس وصدقونى انا بتوجع وبتالم من الى بشوفه وبسمعه وبحسه
للاسف وانتظروا منى المزيد وفى انتظار ارائكم
فى الكلام ده عايزة نقاش انا حطيته هنا
علشان الكل يتكلم