السلام عليكم ورحمة الله وبركاته
النهاردة حبيت اتكلم عن حاجه بتخنقني جدا
بس ساعات بقعد اتفرج وأضحك ههههههه
رسائل الـ SMS على القنوات الفضائية .. الأغاني والأفلام والدينية والإجتماعية ..
أه قنوات دينيه كمان مستغربوش دى حقيقه وكله بقى زى بعضه
أكتر حاجه بتخنقني
رسالة زي " شاب هندي 198 سنه أعمل سباك صرف صحي وأرغب في الإرتباط من عالمة ذرّة لا تزيد عن 15 سنه وتقدّس الحياة الزوجية .. ويا سلام لو شبه هيفاء وهبي "
وزي " هاي يا بنات .. عمرو الأمور وصل بيقولو عليا شبه تامر حسني .. ونفسي أحب وأتحب ورقمي هو .. تلات وردات وشمعتين وخمس دباديب ... الخ "
وتلاقيهم بيلاغوا بعض .. وبيكون فيه تجاوب .. " وقابلني بكره الساعه 10 في كايرو مول قدام السينيما .. حبقى لابسه بلوزة حمرا وبنطلون بيج "
وشعب مصر كله بيتفرج
على الرسالة .. وحيتفرج بكرة الساعه 10 ع المقابله برضه
ناس عايزة تتسلى
وناس عايزة تحب
وناس عايزة تتحب
وناس عايزة تخلص الرصيد اللي عندها
وناس بتدور على عروسة
وناس بتدور على عريس
الناس اتهبلت والله
.......
ايهاب جمال
هووووووبى