|
راديو الفرسان"2" && من بره .. ومن جوه .. &&
الأول أحب اوضح فكره الحلقه اللى حكتبها
(( من بره ... ومن جوه ... ))
طبعا فيه ناس كتير بتقول كلام وجواها بيبقى كلام غيره خالص
احنا حنشوف سلامه بتاع كله بقى حيعمل ايه النهارده
مع ملاحظه انى حكتب اللى هو عايز يقوله بس مخبيه جواه زى كده " ...... "
نبتدى
......
سلامه : أهلا بيكم اعزائى مستمعين برنامج راديو الفرسان
زى ما اتعودنا دايما بنحاول نحل بعض المشاكل
الظاهر معانا تليفون
نقول ألوووووو
المتصل : ألو ازيك ياسلامه
سلامه : اهلا بسيادتك .. أستاذ مين معانا
المتصل : لا .. أنا نانا
سلامه : اسمك نانا "" نانا ولا جعانه ""
المتصل : أه دا دلع نسمه
سلامه : ياه اسم جميل "" أومال لو كان اسمك عطيات ""
المتصل : شكرا ياسلامه
سلامه : اتفضلى يانانا قولى اللى انتى عايزاه "" بس على الله متقرفيناش ""
المتصل : أنا بحبه اوى وهو سابنى وراحلها
سلامه : ياه ليه بس كده "" عنده حق طبعا ""
المتصل : ضحكت عليه قالتله عندنا ميه معدنيه  أصل احنا معندناش غير ميه مجارى
سلامه : للدرجه دى "" ماهو باين من صوتك ""
المتصل : وبعدين كمان انا اكتشفت ان الميه عندهم مقطوعه على طول
سلامه : كمان "" يبقى ماصدق يخلص منك ""
طيب وبعدين
المتصل : انا ممكن أغنيله انا عارفه ان هو بيحب يسمع البرنامج دا أوى
وكمان أصحابى بيقولوا ان صوتى تحفه
سلامه : والله .. اتفضلى أهو على الأقل نلطف الجو شويه
المتصل : انا حقول أغنيه لمحمد فؤاد حبيب قلبى
سلامه : طب كويس فنان محترم .. اتفضلى اتفضلى
المتصل : احم احم .... ضحكت عليك يا أهبل وانت طاوعتها
قالتلك عندنا ميه والميه قاطعه عندها
سلامه : ياسلام ع الاحساس "" بقى فؤاد بيقول يا أهبل ياهبله ""
المتصل : طب عشان خاطرى أقوله كمان حاجه
سلامه : بس عشان وقت البرنامج يانانا
المتصل : عشان خاطرى دقيقه بس ياسلامه
سلامه : اتفضلى "" يارب صوتك يتحشر ميطلعش ""
المتصل : المره دى بقى للأمور روح قلبى تامر حسنى
سلامه : اه وريه الرومانسيه "" دى واحده تعرف رومانسيه ""
المتصل : احم احم احم
سلامه : "" شكلها بالعه عجل ولا حتولد باين ""
المتصل : حماده انا قلبى واجعنى .. انت عامل فيا ايه .. حماده عليك بغير
خلتنى أغسل صبح وبالليل .. وبقيت أنضف م الأول بكتير
سلامه : الله الله الله ايه الرومانسيه دى صوتك يجنن
"" جاموسه داخله عليا .. سوسه بتخرم ودانى ""
المتصل : شكرا ياسلامه ربنا يخليك يارب
سلامه : شكرا على اتصالك ومنتظر منك مكالمات دايما
"" مش عايز اسمع صوتك تانى ""
ولحد هنا خلصت حلقتنا النهارده مع الأستاذ نانا قصدى الأنسه نانا
نلتقى فى حلقه قادمه ان شاء الله
مع راديو الفرسان وسلامه بتاع كله
.........
ايهاب جمال
هووووبى
| التوقيع - l-lo0oBy |
|
مدى ايـدك قربى .. بشويش تعالى واسمعى نبض قلبى بيناديكى أيوه روحى دايبه فيكى سيبى نفســك .. قولى اللى فـ نفسك مش مهم تفكــــــــرى |
|