قالتلي انا عارفه ده ماضي فات من كام سنه، و مصدقاك ان انتا عايش ليا انا
قلتلها طيب، ليه زعلتي؟
قالتلي لا، انا كنت فاكره ان اول حب انا
....
طبعا دا كلام من أغنيه
المهم ان الكلام لفت انتباهى
ان فيه علاقات كتير جدا بتنتهى لمجرد ان حد من الطرفين
مش صريح مع التانى وبالأخص فى موضوعنا النهارده
الصراحه فى الماضى
ممكن انسان يخبى على اللى بيحبه انه مثلا كان فيه حب قديم فى حياته
وفجاه السر دا يتعرف ويبان من غير قصد
ساعتها بيكون الموقف بايخ اوى
وبتبتدى الشكوك فى دماغ الحبيب
ليه مش صارحتنى او ليه مش صارحنى
وهوب يتقابلوا مره بالصدفه تانى
او تيجى سيرته فى الكلام
اى شئ عموما
مجرد ان مكنش فيه نوع من الصراحه من اى طرف منهم بيسب مشاكل بعد كده
ممكن تأدى للانفصال
ودا ممكن يفرق أكتر مع الولد عن البنت
الولد تقريبا بيحب يعرف الماضى بتاع حبيبته
وطبعا دا ظلم على البنت
اللى عايز أسأل عنه ليه اى طرف منهم لو عنده قصه حب فى الماضى
مش بيصارح بيها وساعات بينكرها
وهل لو انت ولد ترفض ان تكون حبيبتك ليها علاقه حب قبلك او العكس صحيح بالنسبه للبنات
عموما انا شايف ان من الأفضل ان قبل اى علاقه تكون كل الأمور واضحه
عشان ميحصلش أى لبس فى الأمور بعد كده
ويلا بقى كده كفايه عليكم
.......
ايهاب جمال
هووووبى