كلمه بقيت تتقال كتير اوى كل واحد
يعمل موضوع يروح يكتب ارجو التثبيت
مش بيفكر انه بكدا بيحرج المشرف فيضطر
يثبته
او بيفكر ان ممكن الموضوع ميستحقش
ويكون كويس من وجهه نظره بس
وكل واحد اكيد بيجيب موضوع بيبقى شايف
انه يستحق وان مفيش بعد كدا
وبعدين هو جوده الموضوع بانه يتثبت
هل دا مقياس
فى مواضيع كتير اوى شغاله والكل بيدخلها
من غير ما تبقى مثبته وبالعكس
فى مواضيع كتير متثبته ومش بيهتم الاعضاء بيها اوى
ياريت يا جماعه منكتبش الكلمه دى تانى
ولازم الكل يتاكد ان الموضوع الجيد هيشتغل
من غير تثبيت ولو موضوعك يستاهل المشرفين
هيثبته من غير ما تتطلب
على فكره انا اكتر واحده متثبت ليها المواضيع
ودا قبل ما امسك الاشراف وكنت عضو عاديه وعمرى ما كتبت ارجو
التثبيت واللى ثبتولى مواضيع مشرفين مختلفين
يعنى انا قاصده ان الموضوع الكويس هيثبت وحتى
لو مش اتثبت برضو هياخد حقه كويس
لو يستحق
ارجو منكوا عدم الزعل