[moslim-girl92]

السلام عليكم


النهارده حصل موقف خلانى وقفت وبدات اراجع الحسابات القديمه

سواق تاكسى ركبت معاه وكنا اربع بنات معاه وكان هيتشاكل مع واحد تانى بس فعلا الانسان التانى ده كان مستفز حبتين


المهم ان الصراحه السواق كان محترم جدااااا ومتكلمش ومشى وهو متعصب وكان ماشى باقصى سرعه بعد ما اتنرفز واحده مننا قالته لو سمحت بالراحه شويه حضرتك اتعصبت اوى


المهم ان هو هدى ومن غير ما يقول اى حاجه بس هو بدا يتكلم معانا عادى


قال جمله لزقت معايا شويه

" الناس دلوقتى بقت زى البلاستيك "


هو مش بيقول كده من نحيه الصحه ............. لا اطلاقا هو بيقول من ناحيه المبادىء والاخلاقيات ...... وقال اننا فعلا بنبقى عارفين الصح فين وبرده بنبعد عنه مع ان دى مش من اخلاق المسلم


وقال اننا دايما بنرمى الحمل كله على المجتمع وان اه المجتمع ميشجعش بس برده احنا نقدر نبقى الاحسن


وقال ان مثلا البنت بتلبس لبس مش كويس وهى عارفه كده كويس بس بتطنش او بتكبر وبتقول ان هو ده العادى ما كل البنات كده .


ياترى فعلا زى ما هو قال احنا بقينا بلاستيك ؟؟؟؟


اد كده معدش عندنا مبادىء ولا اخلاق؟؟؟؟



فعلا الحياه مبقتش فارقه معانا نعيشها صح ولا لا؟؟؟؟


الكلمه على قد ما هى صغيره بس جواها معانى كتير