اصحابنا عاايزين يجوا يعملوا هيصه اليوم اللى قبل الخطوبه
انا : طب ما احنا هنعمل خطوبه لازم يجوا يعنى
ماما : لو مش عاجبك ابقى ادخلى نامى
انا : وهنام ازاى فى الهيصه مضطره اقعد معاهم بقى ( حجج شيحه ومحدش يقولى شيحه مين هى بتتقال كده )
الناس جت وقعدوا يغنوا هما ويرقصوا وانا واخواتى يا دوبك نسقف محدش يسالنى ازاى لانى معرفش
صحينا الصبح لليوم الجديد وهو يوم الخطوبه صحيت كعادتى الساعه 2 الضهر ملقتش حد فى البيت كلمتهم لقيتهم كل واحده
فى جهه بتخلص حاجتها اكتشفت انى المفروض انزل للكوافير انا كمان نزلت جرى والحمد لله خلصت بدرى ورجعت البيت
لقيت كله بيلبس ما عدا انا راحه اقول
انا : ماما انا عايزه اتغدى
ماما : مفيش اكل النهارده وروحى البسى
انا: كمان هتجوعونا عاااااااااااااااااااااااا اااااااااا ( وعملت فيها البت اللى محرومه مع انى كنت كلت قبل ما انزل )
ماما : خلاص اخرسى هروح اعملك اكل
للمره التالته بفكركم البيت ده مبيجيش غير بالزعيق
سبحان الله اول واحده تخلص فى البيت انا..........بيتلكوا والله..... بنات اخر زمن
انا : ماما انا هروح لاختى
ماما : خديلها اى حاجه تاكلها وانتى راحه
انا : اخد لها ايه يعنى ؟؟؟
ماما : اى حاجه وارحمينى
انا : طب هاتى فلوس اجيب لها اى حاجه من بره
ماما : انا مش لسه عطياكى
انا : اللى فاتت كانت ليا انا عايزه علشان اجيب لها 
( براءه الاطفال فى عينيى ) ماما : هاتى من معاكى وهبقى اديكى فلوس
انا : ماشى يا ست الحاجه اما نرجع نتحاسب
ماما : الحساب يوم الحساب
انا : ما هو النهارده يوم الحساب معايا ومعاكى
ماما : ما تروحى اخلصى
انا : اوكش يا ماما سلامو عليكم ( ماما بتتنرفز من الالفاظ بس انا بحب اقولها قدامها ) اصلى بحب ماما اوى باين طبعا
خمس دقايق بالظبط كنت عند اختى اصل احنا فى عصر السرعه
انا : هى فين اختى ؟؟؟؟(كنت واقفه ادامها بس مش متخيله ان هى دى اول مره تحط ماكياج بقى )
اختى : والله يا ظريفه ؟؟؟
انا : ده هو انتى صح هو ده الفستان
اختى : خفه
انا : عارفه من زمان مش محتاجه كلامك
واحده غريبه واقفه : انتى اخت العروسه دى ؟؟
انا : ايون انا اخت اللى العروسه دى
هى : انتى مش حاطه ماكياج ازاى وانتى اخت العروسه ؟؟؟
انا : قدر الله وما شاء فعل ( ايه العالم الحشريه دى )
اختى : ( .........) بره ؟؟؟؟ ( قصدها على خطيبها )
انا : ايون بره
اختى : اخواتك فين ؟؟؟؟
انا : لسه فى البيت بيلبسوا انتى عارفه بقى بنات اليومين دول
اختى : طب كلميهم علشان يخلصوا يجوا علشان انا المفروض اخرج
انا : اووووووووووووووووووووك
يتبــــــــــــــــــــــ ــع