يوميات اخت العـــروسة
**************************
ماما : خطوبه اختك اتحددت هتبقى فى شهر 3
انا : الف مبروك وانا مالى اعمل ايه يعنى؟؟؟؟
ماما : مش لازم هتنزلى انتى واخواتك معاها علشان الفستان
انا : طب وانا مالى هو فستانى ولا فستانها وبعدين دا انا الصغيره انا اللى هنزل معاها؟؟
ماما : متنزليش يعنى نزولك اللى هيجيب الفستان مثلا
انا : طب كويس انك اعترفتى مش هنزل معاهم بقى ( ما بصدق والله )
يعنى لازم نزعق في البيت ده
الحمد لله هما نزلوا مرتين وموصلوش لفستان اصل مفيش فستان في المحلات كلها حلو سبحان الله
الحمد لله العروسه استقرت على فستان طبعا بينزلوا كل شويه علشان الفستان بيتظبط مش عارفه فستان ايه اللى بيتنزلوا كل يوم ده
اخيراااااااااااااا الفستان جه
انا: دا لسه 3 ايام على الخطوبه انا مجبتش هدوم احضر بيها يالهوى
ماما : ما احنا كل يوم بنقولك انزلى
انا : يعنى انا هنزل لوحدى مثلا هننزل بكره ومتقوليليش رايحين نتفق مع كوافير ولا استديو
الحمد لله بعد الضغط ماما وافقت مش قولت
الواحد لازم يزعق فى البيت ده
انا : هو انا هجيب ايه اصلا
ماما : انتى عندك زهايمر هنجيب هدوم
انا: زهايمر ايه ماما بس انا قصدى هجيب هدوم ايه يعنى فستان ولا ايه بالظبط ؟؟؟
ماما : طب ما لو كنتى هتجيبى فستان ما كنتى نزلتى ايام ما اختك كانت بتدور
انا : انا اصلا مش عايزه فساتين
ماما: امال هتجيبى ايه ؟؟؟
انا : ممكن اجيب اى بلوزه كده واى بنطلون ونمشى الموضوع
(اصلى كنت لسه صايعه اياميها)
ماما : هو ده فرح اختك ولا بنت خالتك؟؟؟
انا : لا اختى بس هى زى بنت خالتى بالظبط (
لان بنات خالتى زى اخواتى يبقى اخواتى زى بنات خالتى صح ؟؟؟)
نشوف فى المحل ده
ماما : حطى فى دماغك ان دى خطوبه اختك يعنى انتى اخت العروسه
انا : هبقى احط ان شاء الله
ماما هتولع فيا كمان شويه بس يالا خير
انا : البلوزه دى حلوه
ماما : دى ساده كمان مش هتجبيها متطرزه
انا : لا هطرزها انا علشان اوفر لكم الفلوس شوفتى انا اقتصاديه ازاى؟؟
( ولا عمرى مسكت فتله اصلا )
ماما : كان من امتى الاقتصاد ده ؟؟؟
انا : انا هروح اقيسها سلام عليكم
ماما: ربنا يصبرنى عليكى
بعد 5 ثوانى
انا : مظبوطه ؟؟؟
ماما : اه خلاص هتجبيها
انا : هفكرررررررررررررر
طبعا ماما كانت هتموتنى بجد بس ربنا ستر وعرفتها انى بهزر
والحمد لله يومين عدوا على خيررررررر نيجى على التالت
المره الجايه
* ملحوظه الموضوع انا اللى كتباه اوك بس مش كلها احداث حقيقه بس فى منها الحقيقى وفى منها اللى متالف