[l-lo0oBy]

بسم الله أبدأ


لأحكي بحورف ضئيلة .. قصة أوجعتني وأوجعت الآلاف معي من شباب مدينتي ورجالها وشيوخها ونسائها ... بل وأطفالها


حكاية شاب .. كان إسمة " علاء "


علاء كان شاب أعرفه زي ما أعرف شباب كتير .. شاب هادي ولبق

من أسرة كويسة وعيلة كبيرة


خلص كلية تجارة إنجليزي بتقدير عام جيد مرتفع

قعد بعد الكلية سنتين مستني الفرج من ربنا

بيحب بنت .. نفسه يشتغل عشان يقدر يخطبها .. ونفسه يشتغل عشان يبدأ يعتمد على نفسه

ويخفف الحمل عن أمه .. بعد وفاة أبوة وهو في سن صغير


كان موقفه من الجيش مؤجل تجنيدة ..

فضلت الأيام تعدي .. لحد ما حبيبته إتقدملها قريبها

بدأ في التخبط .. ومش قادر يفكر .. وحاسس إن الدنيا بتهرب منه

هو مش بيشتغل .. وصعب يروح يتقدم وهو عاطل

حاول يكلم أمه .. لكنها بكت ... منين يا علاء .؟؟

إنت ناسي إن مفيش غير مصدر واحد بيصرف على أم وأربع شباب وبنت .؟؟

وجامعات ومدارس


حس إن خلاص .. الحلم بيهرب منه بسبب البطالة والفقر

حاول محاولة يائسة ... وراح لأبوها .. وطلب منه إنه يديلة فرصه سنه واحده .. وبعدها هو هاييجي يخطبها


أبوها رفض رفض قاطع .. ومفكرش لثانية واحده في توسلات علاء

حياة علاء لم تكن بالمثالية مطلقا


مثل معظم شباب الجيل دا

مدخن .. بل من مدمني البانجو

بيحب سهرات الشرب والسكر جدا

ليه شلة لا بأس بها من أصدقاء السوء



يتسارع رتم الأحداث


وتتم الموافقه المبدئية من أهل العروسة على قريبها .. وفي إنتظار موافقتها


أو بالمعنى الأصح

إكتساب بعض الوقت للضغط عليها للموافقه


كانت آخر مكالمه بينهم إنها هاتحاول تعطل الجوازة دي قد ما تقدر .. بس مش هاتقدر ترفض كتير

لإن أهلها ضاغطين عليها جدا


إسودت الدنيا في وش علاء


وبقه بيحاول محاولات عابثة للوصول لوظيفة


ثم سمع فجأة .. إن يوم الغد .. يوم قراءة الفاتحة وخطوبة حبيبته على قريبها


إنصدم صدمة كبيرة


وانقطع عن العالم لفترة طويلة


وفجأة رن هاتفه المحمول .. ليظهر على الشاشه رقم حبيبته



في زهول وبدون أن يدري .. رد على التليفون


حبيبته بتبكي .. وبتبلغة إنها بصدد إنهاء الخطوبة لإنها إتخطبت لإنسان غير سوي


بدأت تدب معاني الحياة في قلب علاء


بعد هذه المكالمة تلقى علاء مكالمة من أحد مكاتب السفريات يبلغة بوجود عقد يناسبة وسوف يسافر للسعودية خلال أيام وطلبو منه السفر للقاهرة


لإجراء مقابلة ... والإتفاق مع صاحب العمل .... وقد كان


وتم الإتفاق على كل شيء وبدأ في إجراءات السفر


وكانت حبيبته بدورها ماشية في إجراءات فسخ الخطوبة .. وقد كان


قرر هو وهي إنه هايتقدم ليها قبل السفر بإسبوع .. كنوع من أنواع الضغط من ناحيتها ومن ناحية الوقت الضيق

أمها أشارت ليها بعلامات القبول لدى أبوها في حالة سفره فعلا .. وإنه مش هايكره ليها الخير


فرح علاء فرحاً شديداً جداً


ومنذ أربعة أيام إستأجر علاء سيارة لمدة يوم .. ليقوم ببعض الأعمال .. ويشتري بعض الأشياء قبل السفر بإسبوع



كان في اليوم دا ماتش الأهلي والهلال السوداني


جميعاً كنا على قهوة .. بنتفرج على الماتش


مع بداية الشوط الثاني دخل علاء ببدلته الجديده والسيارة .. وهو في قمة السعادة .. شغل .. وخطوبة عن قريب .. وسفر ... ( الحمد لله )


جلسنا فترة قصيرة حتى أذن للعشاء .. قام القليلين منّا للصلاة بينما جلس الباقين أمام المباراة .. نظرت لعلاء وقلت له


مش هاتيجي تأدي واجب اللي كرمك ؟؟

مفهمنيش خالص

قالي : بتقول ايه ؟


قولتله مش ربنا هو اللي كرمك بالشغل والخطوبة دي


قال : أيوة

قولتله : طيب مش تقوم تصلي ؟


بصلي وغمز


وقام معايا .. وقالي


انا مش طاهر ... ومش فايق

يعني إنه كان في جلسة زنا وخمر


ثم ذهبت للصلاة

ورجعت وأكملت المباراة ..

لم ألقي بالا للأمر

وبعد المباراة ... سمعنا أصوات مكبرات الصوت


تدوّي في آذاننا جميعا



لا إله إلا إلا الله .... محمداً رسول الله


توفي علاء في حادث بالسيارة أثناء ذهابة لآداء بعض الأعمال


علاء صاحبنا ؟؟؟

إنتو متأكدين ؟؟


إزاي


كان لسه هنا من ربع ساعه


العربية


البدلة


السفر


الشغل


الخطوبة


الجواز


حبيبته


الفلوس







ايه دا ... ايه اللي بيحصل دا


انا إلتزمت الصمت .. وفضلت يوماً كاملا .. تدوّي كلماته في أذني ... " انا مش طاهر .. انا مش فايق "




ياااااااااااااااااااااااا ااه



دقايق بسيطة ووصل علاء في سيارة الإسعاف ليدخل المستشفى


كان في المستشفى في خلال دقائق مئات المئات من البشر


جميعهم يلزمون الصمت الرهيب

جميعهم في صدمة


مع أفراد الشلة التي حضرت معه الجلسة الوضيعه


كانو منهمرين في البكاء


جميعنا فكّر في لحظة مثل هذه ...


مين فينا كان مستعد ليها ؟؟؟


تقريبا ولا واحد


راحت الدنيا بكل ما فيها في أقل من ثانية


وياريتك كنت مستعد للي بعدها



دقائق ومرت


ودفن علاء


وانتهت كل القصة تحت التراب


لا حبيبه


لا خطوبة


لا عمل

لا سيارة


لا ملابس

لا سفر


لا مال


ولا حتى ... علاء


أصلا ... لا ذكرى حسنة


ولا عمل يوصل للحسنى


ربنا يعفو عنك يا علاء


ويرحمنا


ويهدينا


يارب منوصلش بقصتنا لنفس النهاية


يارب
.......
القصه حقيقيه وعلى لسان صاحبها أنا كتبتها

ايهاب جمال

هووووووووبى