السلام عليكم
انا محبتش اتاخر عليكم اكتر من كده وجيت بسرعه
وباقصى سرعه بموضوع حلو اوى وجدشد موضوع
النهاردة او حلقة النهاردة من شباب اليومين دول هيا الحلقة
التاسعه يارب تعجبكم
الحلقة التاسعه بعنوان
ها تحبيبها موز ولا نعناع ولا تفاح ولا معسل يا عسل انت يا خراشى
ههههههههههههههههههه
طبعا حاجة تكسف انا احترت اكتب الموضوع ايه واخترت
فى الاختيار العنوان بصراحة الواحد مكسوف من السليبات الى بنوصل ليها دلوقتى البنات بحس انها
شويه شويه كل شويه بتتهايف وبتفقد رونقها يعنى
دلوقتى من ضمن الاتيكيت بتاع البنت انها تبتدى
تدور على حاجة روشة تعملها يعنى من ضمن
اساليب الروشنه وعلشان تبقى بنت فول اوبشن
ومفيش زيها يعنى لقينا موضه البنات الى بتشرب
شيشيه يعنى تمشى فى الحسين وهنا وهنا تلاقى
على القهاوى البنات القمرات يا خواتى عليهم
الى طبعا بتشد فى الشيشه ولا كانها ايه شيخة منصر
ياسلام على الشيشه بطعم التفاح يا خواتى على
البرتقال تخدى نفس يعنى البنات علشان تحس
انها جامده وروشة تشرب شيشه يعنى علشان
تظبط مزاج حضرتها لازم يعنى تشرب شيشيه
طيب السؤال هنا هلى ده من الماسواة الى احنا
بنادى بيها بين الرجل والست يعنى البنات بتبتدى
تقلد الولاد فى كل شئ يعنى ماهو ايه المانع انها
تشرب شيشيه وغيرها يعنى وفى ناس برضو تعمل
دماغ بسطرين كوكاين يا سلام احلى دماغ دماغ
فى السحاب يالهوى مين قدها الواحد خايف شويه
شويه علشان اثبت انى بنت لارج وشيك ومتمدينه
تبقى الشيشه هيا اكبر دليل والواحد خايف لا تطلب
الشيشه بعد كده فى الجهاز بتاع الجواز
طيب انا كان نفسى اسال الولد ايه بيكون موقفك لما
البت صاحبتك ولا البت الى انت بتحبها انت وهيا
قاعدين قدام بعض بتشدوا شيشه يعنى بتحس بايه
بلاش
موقف الولد ايه لما يعدى كده ويشوف بنت بتشرب
شيشيه هل هو ده التمدين هو ده الصح والله لو
هو ده التمدين والتحرر يبقى سورى مش يلزمنى
يعنى احنا بنقول للولاد لا للتدخين دلوقتى البنات
بقيت هيا المدخنه ايه الحكايه هى دى المساواة
حد فيكم عنده رد على الاسئله دى حد عنده الشجاعه
انه ممكن يفتح مجال للنقاش يعنى عايزة
واحد من المدخنين يجى ويوضوح ايه وجه الاستفادة
من الشيشه وخلافه ده انت بتدمر صحتك نسيت
ربك نسيت انك هتتسال على صحتك دى حرام
فوقوا بقه بجد حاجة تكسف مش ده التمدين ومش
دى الحرية