المكونات
كوب من الارز
وبطاطستين
ومكعب ماجى
ملح وخل
وملعقه سمنه
دى طبعا يا جماعه مقادير الرز المحمر
والبطاطس المحمر الفظيعه
طريقه التحضير
هتقشرى البطاطس وبعدين تغسليها
وبعدها تقطعيها صوابع وبعدين تحتى ملح وخل
حسب الرغبه انا مش بحب الاكل مملح اقوى فبحت نص معلقه صغيره
وشويه خل بقى وانتى ومزاجك
وتسخنى الزيت وتحطى فيها البطاطس تتحمر
الرز بقى الفظيع بتاعى
هتجيبى حله وتحطى معلقه لالا استنى فى حاجه الاول هتنقى الرز وبعدها تغسليه وتسبيه ينشف وبعدين تحطيه على معلقه السمن وتفضلى تقلبى لغايه ما ايديكى تولع من السخونه ومتبقيش قادره
وتقلبى لغايه ما الرز لونه يغمق يعنى قبل الحرقان بسنه والله مش بهزر غمقوا الرز على اد ما تقدروا بس من غير متحرقيه
وبعدين تحطى مايه تغطيه وتحطى الماجى وتغطى الرز وتوطى وسبيه 10 دقايق وبعدين روحى شوفيه وتدوقيه لو استوى اطفى لو مستواش سبيه بس لو المايه خلصت زودى المايه
وتفضلى تدوقى لغايه ما يستوى وهو يكون بعون الله خلص من كتر الدوقان
يلا بالف هنا وشفا
ويارب تكونى استريحتى يا لف هانم