[داليا]

ياما نفسى اتجوز واحده امريكيه و اخد الجواز الامريكانى واسافر واعيش بقى حياتى
يا سلام لو دا يحصل ما انا قاعد هنا هعمل ايه يعنى لا انا عارف اتجوز ولا عارف اشتغل
ولا عارف اعمل اى حاجه فى اى حاجه طب افضل ليه
هناك هروح الاقى الفلوس كلها والعز
الى عمرى ما هلاقيه هنا
دا طبعا كلام الكتير من شباب اليومين دول فى وطنا العربى شايف ان الامل هناك فى امريكا او فى اى بلد اوربى
مين قالك كدا دا انت هتتبهدل ويطلع عينك عشان بس تعرف تعيش هتغسل صحون وتكنس الشوارع طب ما طالما قابل دا على نفسك والشغل مش عيب متشتغل فى بلدك انا معاك ان هناك الفلوس اكتر بس برضو هتبقى وسط اهلك الغربه بهدله لو فى يوم اضربت ولا حد هيتحرك عشان ياخد حقك
بلدك اولى بيك وكل شبر فيها محتاجك
خليك اتبهدل بس اتبهدل عشانها
مش هتلاقى حد احن من بلدك عليك
ولا احن من ناسها عليك
خليك فيها لاتشرق ولا تغرب عنها
خليك فيها وفى وسط اهلك لان دا يساوى الملايين
انا عارفه هتقولى هنا لازم واسطه وهنا مفيش امل فى اى حاجه والبلد خربانه ومش هتنصلح
هقولك وهتتصلح ازاى وانت وغيرك وخيره البلاد عايزين تسافرو برا
هقولك هتتصلح ازاى وهى مش لاقيه الى يرعها ويبنيها مش لاقيه الى يشتغل فيها
مش لاقياك لا انت ولا غيرك
انت ناوى تعمل ايه وشايف ايه ؟
على فكره دى وجهه نظرى الى مقتنعه بيها مش بقول كلام مقالات زى ما كتير بيقولى لما بقوله دا بس بجد الى شيفاه ان انا الى هقدر اصلح بلدى بس لو انت وهو وهى بقيتوا معايا فيها
انا شايفه ان احنا بجد الى هنخليها احسن لينا وبيها هنبقى احسن
ياريت كلنا نخلينا فيها لانها محتاجلنا واحنا محتاجينلها اوى اوى اوى