[جوليت]

بسم الله الرحمن الرحيم
انا جيت ....انا طبعا اتاخرت شويه فى الرد علشان اقيس شطاره الاولاد فى الردود ومشاء الله ابهرونى
هههههههههههههه
مرسيه ليك ابو الشود على الموضوع... فكره حلوه
انا ليه تعقيب زى بنوته انا كمان شايفه ان صفه التلون كحرباء دى
من صفات المرأه وشايفه انها بتتلون زى الحرباء
وده لتقى نفسها شر الرجل المسلوخ
لان اللى معروف عن الراجل انه بيسلخ جلده كل شويه
اجابة الاسئله المطروحه
اول سؤال وهو
سبب استخدام هذا النوع من الرجال لهذا الاسلوب ؟
طبعا ده راجع لاسباب عديده
اذكر الاول ان ممكن يكون الشخص ده متعمد التلون كالحرباء وممكن بيكون غير متعمد اولا المتعمد .... هو اللى اتكلم عنه واشار اليه الرسول وقال لأعلمن أقواما من أمتي، يأتون يوم القيامة بحسنات أمثال جبال تهامة بيضاء، فيجعلها الله هباء منثورا، أما إنهم إخوانكم، ومن جلدتكم، ويأخذون من الليل كما تأخذون، ولكنهم قوم إذا خلوْا بمحارم الله انتهكوها(صدق رسول الله صلى الله عليه وسلم)
وفي هؤلاء يصدق قول الله عز وجل: (يخادعون الله والذين امنوا وما يخدعون الا انفسهم وما يشعرون وفى قلوبهم مرض فزادهم الله مرضا ولهم عذاب اليم بما كانوا يكذبون) (صورة البقره)
ارجع بقى لاسباب تلون الرجل كالحرباء
اولها ... انه بيتلون لاتقاء شر ...وده لانه انسان جبان ضعيف اضعف من انه يواجه حد وياخد موقف فبيعمل كده علشان يكسب ثقة الناس لحد ما يوصل لمصلحته وينول غرضه
ثانيا....انه يتلون لطلب صيد ...فنلاقى الشخص ده يتلون بلون اليوم لينسجم معاه ومع الناس فى يومهم وفى توجههم وفكرهم حتى لا يلتف احد منهم الى الحقيقه اللى لو احنا دققنا فيها هنلاقيها مخالفه لراى الناس وبعد ما يرسم على ضحيته وينول غرضه منها ويوصل للى عاوزه بيرميها
ثالثا.... انه بيتلون ليتخفى عن ضحاياه
رابعا .... ممكن الشخص ده بيتلون زى الحرباء وده من غير قصد وبنجد للشخص ده اكثر من طابع بيعامل كل واحد على حسب قدراته العقليه والنفسيه والبدنيه فطريقه تعامله مع الكبار تختلف عن الشباب او الاطفال لان كل واحد فيهم تفكيره مثال لذلك ( الداعيه )اللى بيتعامل مع شرائح مختلفه من الناس لكل واحد تفكيره المختلف ...فطريقه التعامل الناجحه مع اهل البدو قد تفشل فى طريقه التعامل مع اهل المدن ويقول علي رضي الله عنه: حدثوا الناس بما يعرفون أتحبون أن يكذب الله ورسوله؟
إن الله -عز وجل- خلق الناس لهم طبائع متعددة، وعقول متفاوتة، ومشارب متنوعة، يقول عز وجلولو شاء ربك لجعل الناس امة واحده ولا يزالون مختلفين)
خامسا ... ممكن بردوا نقول انه بيتلون كالحرباء لان البيئه اللى هو عايش فيها كده يا اما آكل او مأكول
تانى سؤال ..
كيفية مساعده هذا الرجل على ترك هذا الاسلوب ؟
اولا طبعا لازم احطه فى موقف بحيث ابينله انه بكده بيغضب ربنا يعنى مثلا اعمل فى مقلب اتصل بمقلب دوت كوم وهما يجهزوا كده موقف جميل بحيث يدولوا درس
هههههههههههههههههههه بهزر طبعا بس اكيد هعمل حاجه شبيه بكده
ثانيا ... دايما ابينله ان اسلوبه مكروه وانى افضل منه باسلوبى وبطريقتى انا واثبتله انى انجح وافضل منه بكتير
ثالثا.... ااقدمله النصيحه واحاول اساعد فى الاقلاع عن الطريقه دى واخليه يتوب لربنا وافهمه ان الدين بتاعنا مكروها فى الطريقه اللى بيستخدمها دى
رابعا... افهمه ان القــوة دائمـــا بكفـــة مــن يفكـــر أفضـــل وليــس أكثــــر
تالت سؤال
معرفه هذا النوع من الرجال والوقايه منه ومن خداعه؟
هذا النوع من الرجال نجده( 1)متقلب لايستقر على مبدأ مبداه زى مبدا الساعه والرأى بتاعه بيكتسبه من الاسواق يعنى الراى اللى بيكون اكبر مكسب
(2) من بعض اغراضه التخفى والطبع غلب التطبع وزى ما ذكرت قبل كده هنلاقيه بيتلون بلون اليوم لينسجم مع الناس فى يومهم وفى تفكيرهم
(3) نلاقيه بيرسم على ضحيته علشان يوقعها وبعد ما ينول غرضه ويوصل لمصلحته بيرميها
(4) بنجد له لسان يخرج كلمات ذات مغذى وذات هدف كلها جميله ورقيقه كأ نك شايف شاعر غزل بيقول شعر وده طبعا علشان يكثب ثقة الضحيه بتاعته
(5) بتجد له الف عين يرى بها فرائسه وأعداءه فى نفس الوقت وبعيونه دى بيستطيع انه يعرف الطرق اللى يوصل بيها لضحيته ولأ عدائه
(6) تجد له الف راى والف طابع وبيتلون مع كل واحد حسب طبيعته
كيفية الوقايه من هذا النوع
انا شايفه ان كل واحد له مبدأه وطريقته فى الحياه واكيد شخص زى ده نتجنب التعامل مع امثاله ونينله اننا افضل وانجح منه وانه لكل ظالم نهايه وربنا يمهل ولا يهمل او لو انا من النوع اللى بيحب التحدى هتعامل مع الشخص ده وابينله انه مجرد حشره وانا اقوى منه