[داليا]

انتوا جيل تافهه

طبعا الجمله دى بتتقال علينا بتتقال فى التلفزيون فى الجرايد
بس انا شايفه ان احنا مش تافهين ولا جيل بايظ كما يطلق البعض علينا
احنا مش لاقين الفرصه الى نثبت وجودنا فيها بندخل الكليه الى مكتب التنسيق بيجبرنا عليها وبعدها نشتغل الوظيفه الى الحكومه تعينا فيها دا اذا ربنا كرمك واشتغلت اصلا
هما مش بيدونا فرصه اختيار الى نحبه عشان نبدع فيه بيدونا الى هما شيفينوه لينا طب سيبونا نرسم مستقبلنا وفرو لنا الامكانيات والجو المناسب للعمل وشوفوا احنا هنعمل ايه بجد بحس ان احنا لو ادونا فرصه هنعمل كتير اوى
انا واحده من الجيل دا وحلمى الى نفسى يتحقق وقف عشان خاطر بعض الموظفين الى بيرفضوا او شايفين ان احنا منفعش فى اى حاجه معرفش اذا كنت بجد صعبت على الراجل ولا هو محبش يتعب نفسه ولا شافنى تافهه ومش اد حلمى
بجد مش عارفه ورجعت اقعدت افكر اعمل ايه ما هو الحلم عشان يبقى حلم لازم يبقى صعب لانه لو سهل واتحقق بسرعه الصاروخ يبقى مش حلم ليه مش بيصبروا علينا وبيحكموا علينافى الاخر
بجد مش عارفه احنا ليه بنتظلم منكرش ان فى شباب كتير مننا تافهه اهم حاجه عنده احدث مقطع بلوتث واخر كليب نزل وايه البوم الجديد وايه موضه اللبس السنه دى ايه احدث افلام السينما
ومنكرش ان منهم السلبى وانا فيا حته سلبيه بس بجد حلمى مينفعش احققه لوحدى لانى عارفه انه كبير
انتوا شايفين احنا تافهين ولا مظلومين ولا ايه بالظبط؟