السلام عليكم
النهاردة موضوع الحلقة مش عادى النهاردة
الحلقة مش عادى لان في منافسه بين الشباب والبنات
وانا من رأى ان الموضوع ده مهم انه يوثار هنا
والنهاردة لأنه مهم جدا جدا من وجهت نظري مهم
علشان نعرف رأى البنات والولاد ونتناقش في الكلام ده
موضوع حلقة النهاردة هو
الحلقة التامنه من شباب اليومين دول (........... ؟ )
بصراحة مش عارفه احط عنوان ايه وانتم هتساعدونى
فى اختيار العنوان المناسب لهذه الحلقة
امبارح أنا قابلت واحد ه صاحبتي هيا اصغر منى اوك
هيا في أخر سنة في الكلية يعنى عندها 21 سنه اصغر
منى ب 3 سنين هيا كانت بتحب ابن الجيران جارها
وكده وكانت اتخطبت له وكده وأنا بسالها عنه
قالت ليا خلاص كلب راح يجى غيرواا
قولتلها نعم ازاى يعنى
قالت ليا انا عملت حفله خطوبة وكده وعزمت الناس
وكده وتانى يوم فشكلت الخطوبة بنهم وانا مرتاحة انى
سبته ومش عارف ايه ده كان داخل على طمع ياماما
انا استغربت ليها قولتلها ازاى يعنى انا مستغربة ان بعد
الحب الى انتى كنتى بيتحبيه ليه بتقولى الكلام ده عليه
ازاى يعنى بعد 7 سنين جايه تقولى الكلام ده
قالت ليا وانا معه كان محسسنى ان
مفيش حد هيبصلى وكده (ياريت
نخالى بالنا من الجملة دى ونركز
عليهاااا
قالت ليا هو كان بيقولى ان تحت القبه شيخ
وانه يا ما هنا يا ما هناك بس هو مش كده
خالص انا سبته علشان هو مش يستهلنى وكده
قولتلها بعد 7 سنين جايه تقولى الكلام ده
قالت ليا اه قالت ليا انا عملت الخطوبة وكنت
عارفه انى هسيبه تانى يوم
قولتلها وهو مكنش حاسيس باى شئ وانتى
عملتى كده ليه
قالت ليااااااااااا علشان سمعتى انا الناس كلها كانت
عارفه الى بينى وبينه وسمعتى وكده وانا لو كنت سبته
قبل مايكون فى بينه وبينى اى حاجة رسمى كان زمانه
هيروح يطلع عليا كلام وكده
قولتها ياقلبك وايه الى كان جبرك
قالت ليا السكينه كانت سرقانى
قولتلهاااااااااااااااااا ودلوقتى انتى عامله ايه
قالت ليااااااااااا عادى جداااااا عايشه حياتى يعنى انا
ماشيه مع 5 وبنقى واختار منهم الى هيكون شريك
حياتى وان راح كلب يجى غيره
قولتلها نعم
قالت ليا ايوة الرجاله دى زى الكلاب ترملها عضمة
تجرى وراكى وتبوس رجلك قولتها لا والله ازاى يعنى
حاجات انتى مش هتفهميهااااااا لانك ماشيه بمدا غلط
قالت ليا ممكن اسالك سؤال انتى
متخطبتيش ليه لحد دلوقتى ؟
قولتلها لان نصيبى لسه مجاش ده اولا ولان
انا مش معايا عضم ارميه للكلاب الى انتى
بتقولى عليهم ومش انا الى هجرى وراهم علشان اتجوز
قالت ليا يبقى عمرك ما هتتجوزى ولا هتعيشى الزمن
الى انتى عايشه فيه ده راح من زمان وكده
ده كان حوار دار بينى وبين احدى البنات اصحابى
يؤسفنى ما ورد فى الموضوع لكن الكلام ده حقيقى
ياترى ايه رايكم ياترى علشان البنات تلفت نظر الولاد
تعمل الى البنت ده بتقوله وياترى هو ده الصح الولاد
ياترى هيكون ردهم ايه ياترى هيقولوا احنا نعمل ايه
احنا معزورين برضو المغريات قدامنا كتير ياترى ايه الى
يوصل تفكير البنات لكده ليه الامور توصل ان البنت تفكر
فى كده فعلا شئ مؤسف اوى ان البنت تفكر بالاسلوب
ده حتى لو كان السبب مقنع مفيش اى مبررر لانها تعمل
كده ليه ترخص من نفسها علشان تتجوز يعنى ارجو
النقاش الموضوع هام جدا ويحتاج الى ردكم
ومناقشاتكم الجادة واتمنى فعلا يكون فى حوار
ده نموذج حى من الحياه وده الى بيحصل ومحدش
بيجى يقول دى بنت مش محترمه احنا بنتكلم فى
الموضوع مش على انها محترمة او لا احنا
بنتكلم فى مضمون الموضوع ارجو الاهتمام
وارجو اننا نتناقش ايضا فى كل ما تحته خط
وطبعا مش تنسوا تختارو عنوان للموضوع
اشكركم