[۞ عاشقة الفردوس ۞]

طرح رائع وجميل زى ما اتعودنا منك بنوتة

صراحة هو موضوع مش سهل

بس أنا شايفة أن الحل ممكن يكون بدمج الطريقتين مع بعض

بمعنى أن فى بعض الأهل بيعجبوا بفتاة معينة ويتمنوها لأبنهم ودا بيكون نتيجة معرفة أو تعامل معاها وكدا وخاصة بيننا كبنات وفى نفس الوقت الظروف ماتاحتش للشاب دا انه يتعرف عليها فبتعرضها والدته او اخته عليه وفى الحالة دى افضل انه يحاول ينتهز أى فرصة يشوفها بيها بدون علمها عشان ميجرحهاش زى ما قالت مارو وفى الحالة لو حصل قبول واعجاب منه بيها بيتقدم رسمى ومن حقها أنهم يقعدوا مع بعض أكتر من مرة عشان حقها هى كمان فى القبول ليه وأكيد لو فى توافق وفى أعجاب من الطرفين هبدأ الحب الجميل لأنهم بدأوا مع بعض بداية صحيحة وربنا يتمم بخير


وبردو أنا مش ضد الحالة الاولى كتير بتنجح لأنه بيكون هو شافها بنفسه وعارفها كويس وعارف طباعها وأخلاقها ومن هنا بيبدأ يفكر بجدية فى الموضوع الا أنه أحيانا بيكون الانجذاب دا طبيعى نتيجة تعود على رؤيتهم لبعض دايما وتعاملهم مع بعض لكن بعد الزواج ممكن يقلب حاجة تانية

عشان كدا أنا برجح يكون الاختيار على الاسس اللى وضعها لينا ديننا يعنى يكون الاختيار على أساس الدين وبأى طريقة أكيد هينجح بأذن الله

معلش طولت بس زى ماقولت انه موضوع مهم جدا ومش سهل
أشكرك عليه بنوتة وتقبلى أرق تحياتى