سلاامو عليكم
ازيك طبعا انتم شوفتم ليا حلقات كتير واشكال والوان
يعنى عندكم
حلقات مارو شو
وكمان حلقات شباب اليومين دول
انا بقه النهاردة جايه ليكم بشكل جديد من الحلقات حاجة كده كوميدى اجتماعى على حاجات كتيرة اوى
النهاردة انا جايه بحلقات البت شفيقه والواد شفيق يارب تعجبكم
شفيقه بت حلوة دمها خفيف بتحب واد دمه شربات اسمه شفيق ياسلام عليه فى الحمشنه ولا سى سيد فى زمانه بس قدام شفيقه بينسى اى شئ
الحلقة الاولى
لولولولولى زغاريط وهيصه وطبل ورقص خلاص اتحدد ميعاد فرح شفيقه وشفيق خلاص شفيق وشفيقه راحوا علشان يجيبوا دعوة الفرح لقوا الراجل مبوظ ليهم الدعوة وكاتب فيها
انا شفيق العريس: الزفت اللي هايجي ميتأخرش...واللي مش جاي في ستين داهية ... والعيال الرذلين الصغيرين يتخمدوا فى البيت..... و اللي هاتجيب موبايل كاميرا هفقع عينيها الاتنين....ويبقى اطفحوا في بيوتكوا .. كفايه اللي دفعته للموكوسه شفيقه.... اللي تمد ايدها عالتورته هقطعهالها ..ويبقى حلي في البيت ياختي .. منتو زي القطط تاكلوا وتنكروا .... الرقص ممنوع .. الضحك بصوت ومن غير صوت ممنوع وابقى عيل لو اتجوزت النهاردة
طبعا شفيقه شافت الكلام اتجن جنونها قالتله ايه ده يا شفيق ايه ده بقه انا موكوسه وهتطلع عيل طيب ماشى المهم شفيق قعد يقولها لاء لاء ياحياتى اكيد فى سوء تفاهم اكيد فى حاجة غلط لاء لاء انا مقولتش ليه كده انا قولتله يكب كلام تانى تلاقى حصل سوء تفاهم
قالتله وانا باكل من الكلام ده ماهو صاحبك وعجنك وحفظك
شفيق بص للراجل وقاله ايه الى انت كتبه ده ايه ده قاله انا اسف انا اسف شكلى غلط دى مش دععوتك وفتح الدرج وقعد يدور على بطاقه الدعوة بتاعت شفيق وشفيقه التانيه لانه شكله نيل الدنياااا
ايوة ايوة اهى البطاقه اهى اهى خلاص لقيتهاااا
انا شفيق: انه فى يوم 17/6 ده يوم فرحى بقولكم اللي هايجي ميتأخرش...واللي مش جاي هيخسر كتير اوى... والعيال قبل الكبار لازم يشرفوا ومحدش يفضل فى البيت..... و اللي هاتجيب موبايل كاميرا هتصور احلى عصفورين....واوعى تاكلوا فى البيت .. انتم هتنورونا .... اللي تمد ايدها عالتورته بالهنا والشفا ونقولها عقبالها .... وابقى عيل لو اخذت غير شفيقه حببتى النهاردة
طبعا الراجل كان عمل مشكله بين شفيقه وشفيق وبدا شفيق يصالح شفيقه وخلاص
اتحدد الميعاد وخلاص اتصالحوا العروسين وكله بقى تمام ولفوا وزعوا الكروت والفرح بكرة
انتظروا المفجاءات !!!!