محدش شاف سيدة الخطبة الحوقنى بسرعة
خاله سيدة دى كانت ست طيبه اوى كانت خطبه جدى وجدتى هيا راحت لام جدى وقالتله على جدتى وكده وحصل المراد
مع مرور الوقت الخاله سيدة دى معدتش ليها مكان ممكن تكون موجودة بس مش مشهورة او دورها معدتش ليه مكان او بمعنى اخر معدتش ليه لزمة
اصل خاله سيدة يا جماعه كانت موجودة فى الزمن البطئ مش زمن السرعه والانترنت دلوقتى فى ناس بتتزوج عن طريق الشات وناس تانيه بتتجوز عن طريق الحوارات وانتم كلكم عارفين ومش محتاجين للست سيدة لانها بقيت دقة قديمه اوى
طيب يا جماعه مش ملاحظين ان دلوقتى بقى اى حد يدخل كده بيوتنا ويدق على الباب ويقول عمى انا جاى طالب ايد بنتك يعنى اصبحت البنت زى سلعه بتتعرض فى السوق اه زمان كان الموضوع مختلف وبرضو كانت البنت سلعه وكده كانت الست سيدة تاخد صورة العروسة وتروح لبيت العريس وتقولهم على مواصفتها ومن كلام الست سيدة يحصل المراد ولو كان حد دخل البيت بيدخل بناء على كلام الخاله سيدة دى وبيحصل المراد وكله بيبقى تمام يعنى العريس مكنش بيشوف عرسته الا بعد ماكان ادبس وكده خلاص كل واحد ونصيبه يا سلام بس زمان مع كل ده مكناش بنسمع عن الطلاق ولا كانت نسبه الطلاق مرتفعه كده وزما برضوا مكنش فى فترة خطوبة ولا كلام من الى بنشوفه الايام دى كان فى احترام للحياه الاسرية يعنى الناس عايزة تبنى بيت واسرة وعيله وكده
بس مش معنى كده برضو ان الايام دى مفيش ناس عايزة تعيش لاء فى ناس برضو عايزة تعيش بس برضو فى شباب بتروح بيوت العرايس ويتقدموا علشان يشوفوا بنات وكده يافرحتى لما البنت يكتر خطابها اه طيب واخرتها ايه
انتم اكيد برضو ماوصلتوش للى عايزة اقوله
البنات المنقبه وكتير اوى فى بنات منقبه طيب الزمن الى احنا فيه ده هيسمح للبنت المنقبه انها تقعد مع عريسها او الى حاى يتقدم ليهاااااااااااااااااااا هتعرف هل نقابها ده هيسمح ليها مش معنى كده ان النقاب حرام او انى بطلب من البنت المنقبه انها تكشف عن نقابها لاء بس البنت المنقبه وسط الى بنشوفه من هوسه الشباب وكده هتعرف انها تكون زى اى بنت طيب وليه البنت الى مش منقبه متكنش زى البنت المنقبه ليه يعنى البنات دلوقتى بتجرى اوى وتفرح انها بيجيلها عرسان بنها كده وبين نفسها مش بتزعل وتضايق يعنى لو محصلش نصيب بينها وبين الشخص الى اتقدم ليها مش بتحس انها كده صغرت مش بتقعد تفكر الف مرة هو مجاش تانى ليه ياترى ايه الى حصل هو انا معجبتوش ولا ايه انا بينى وبينكم بضايق اوى من الموضوع ده انت فاهمين حاجة القضيه كبيرة عايزة اعرف راى كل واحد فيكم وراى كل بنت فيكم ولا ايه يالاه بسرعه