[Free Fighter]

زمن بيتغير .. واطفال بتكبر ..ومشاكل بتكتر .. واحلام بتدمر .،واحاسيس فقدت وتجردت من جميع معاني الانسانيه والحق وتعاملات اصبحت لاتعتمد الا على المصالح وبس وتقيم لقيمه الناس على مقدار فلوسهم مش شخصيتهم ، بقى كل واحد مش بيهمه غير نفسه ومش عايز حد ينجح غير نفسه مش بيتمنى الخير لغيره كل واحد عايز ياخد رزق التاني وحق التاني وانسان اناني مش بيهمه غير مصلحته وبس ليه الانسان بقى كده واتغير عن المسار ايلي ربنا اختاره ليه وهو الاصلاح والتعمير بعد العباده ،الموازين مع الاسف اختلت واتقلبت ووضعت مقاييس واوزان تانيه اخلت بالتوازن والنظام البيئي والحي للمخلوقات الحيه في الكون كل انسان اناني عايز ياخد كل شيء ولو حتى بالظلم من غير ما يوضع اساس على ايلي حياخده ويديه نسي كل الناس قدام مصلحته تجاره المصالح عنده اهم شيء قبل مايعمل اي حاجه بيفكر في حسبه طويله ازاي ياخد كل شيء وازاي يمنع التانين من انهم ياخدوا اي شيء ، ياجماعه الانانيه مش بس في الفلوس او الشغل الانانيه في كل شيء واولها المشاعر الطاهره ايلي اتلوثت بعصر قضى على الحياه الحره والحقيقيه وعلى فكره كل انسان اناني حب نفسه لدرجه منعته من التفكير فهو خسر نفسه مكسبهاش بدل مايلاقي روحه فقد نفسه لان الانسان اذا افتقد احاسيسه كانسان فهو فقد انسانيته بالكامل .