اخى سيد اهلا بيك وبموضوعك الرائع دوت نورتنى ونورت القسم الشباب كله اولا موضوعك رائع جدا وسؤال جميل جدا يمكن الصداقه اصبحت شئ نادر جدا ونادر جدا ماتلاقى الصديق الى بجد فى الزمن ده فاحنا بقينا فى زمن السرعه حتى السرعه فى الصداقه يعنى بقى فى مسميات واشكال مختلفه للصداقة يعنى اقولك مثلا بعض منها
بقى دلوقتى فى صديق الكيف والمزاج يعنى الصديق الى يكون معايا وقت المزاج ومعروف انه جدع اوى معايا فى الحته دى يعنى هيساعدنى انى اعدل دماغى واظبطها وطير فى السحاب وانسى الدنيا بس للاسف ده من احقر الانواع وبجد ربنا يبعدنا عنه لان ده مش صديق ده شيطاان فى صورة انسان ومنه لله وربنا ياخده يا يهديه
فى نوعيه تانيه صاحب المصلحة يعنى دوت مش تلاقيه يدق على باباك الا لما يكون عايز مصلحة مش بيعفك الا وقت الحاجة وانت هتعمل ايه مغلوب على امرك وغصب عنك يعنى هتعمل ايه لازم برضه تصاحبة وبعدين عيب اوى لما ترد حد سالك فى خدمة وبعدين ساعد الناس ربنا يساعدك
اقولك ايه ولا ايه اختفى المعنى الرسمى للصداقه يعنى كتير منا معدش عارف يعنى ايه صديق بجد احنا نفسنا الصداقه ترجع بمسمااها الرسمى ونبعد عن المسميات الجديده واالتعريفات الجديده الى دخلت على الصداقه لان الصداقه دى حاجة كبيرة اوى بس للاسف احنا الى شوهناها وربنا يهدينااااااااااااااااااااااا قولوا امين