السلام عليكم
وحشتونى اوى انا يمكن كنت متردده فى بادئ الامر انى اعاود الكتابه اليكم لانى مكنتش عارفه هاقول ايه ولا هتكلم فى ايه
بس برضه ارجع واقول انى مقدرش استغنى عن الفرسان وشباب الفرسان انا بجد بلاقى نفسى وسطيكم انتم انا مش بعرف اكون انا الا معاكم انتم انا بالغض النظر عن ان جوايا الم كبير من الى حصل ليا هنا بس ارجع واقول الاعضاء الافاضل الى بحبهم والى بحاول من خلال السلسله بتاعتى انى اخاطبهم واننا نتناقش فى موضوعات مهمه تمس حياتهم مقدرش اتخلى عنكم انا بعتبر سلسله شباب اليومين دول رساله بنقولها بعض بنحاول اننا ناقش الى مضايقنا مش مهم احنا مع مين ولا الى حوالينا مين المهم اننا نقدر نقول لبعض الى احنا عايزينه اوك ده المهم انا لو رجعت الفرسان فهو علشانكم انتم يالى متابعين السلسله واتمنى ان السلسله تكون نالت اعجابكم فعلا
بدون مقدمات انا مش عارفه تكون الحلقه النهارده عن ايه بس انا لفت انتباهى فى يوم وانا ماشيه مع صديقه ليا انها بتقولى اسكتى يا مارو انا مش بتعاكس وزعلانه اوى على الرغم من ان البنت دى غايه فى الجمال
موضوع حلقه النهاردة هو انا وحشه ولا ايه؟؟؟؟
هههههههه
كتير اوى نكون ماشين فى الشارع وصبيان تعاكس اللبنات سؤال بيطرح نفسه هو فعلا المعاكسه دى دليل على ان البنت دى حلوة او انها فعلا بنوته يعنى البنت الى مش بتتعاكس دى مش بنت ولا ايه ؟؟؟؟
للاسف فى بنات كتير بتقيس جمالها بمعاكسه الولاد ليها يعنى البنت الى مش بتتعاكس دى للاسف ممكن تحط جوة نفسها انها مش حلوة ومش عارف ايه بس لو نزلنا وسط الولاد وسالناهم انت بتعكسوا دى ومش بتعاكسوا دى ليه فى الى يقولك هو انتى مش شايفه هيا عامله ايه فى نفسها هيا الى بتجبرنا اننا نعمل معها كده هيا بتلبس الضيق وتحط البويا وترقص وهيا ماشيه علشان تلف انتباهنا ونعاكسها يعنى بيكون واضح اوى انها عايزة تتعاكس
والبنت المحترمة الى مش عايزة تتعاكس بيكون واضح اوى عليها ماشيه ماشيه جد فى الشارع ولا بتتلف لا يمين ولا شمال وماشيه فى حالها صوتها واطى مش ماشيه تضحك ولا ضحكه الرقاصين يعنى ده موجود وده موجود
ناس تانيه تقولى المعاكسه دة مرض يعنى صعب اوى اننا نشوف واحده حلوة مش نعاكسها ونعبر ليها عن اعجابنا بيها وبشكلها يعننى بالبلدى لازم نبعبر عن الى جوانا اصل لو معملناش كده نزعل ونتعب وبعدين دى نعمه ربنا لازم برضه نديها حقها ولاايه؟؟؟
هنسمع من هنا ومن هنا وهنلاقى تناقض كبير ااوى وهنحتار طب الصح فين يمكن موضوع الحلقه دى مكرر ويمكن انا قولتها قبل كده ونوهت ليها بس النهاردة انا جايه بسؤال للبنات وكمان للولاد ايه احساسكوا لما بتعاكسوا بنت وايه احساسك لما تتعاكسى يعنى بتزعلى انك مش بتتعاكسى وانت بقه بتعاكس البنات ليه سؤال عايزة الكل يجاوبنى عليه؟؟؟ ياترى هلاقىى عندكم اجابة؟؟؟