|
انتى مين؟؟؟؟؟؟؟؟
بسألك انتى مين ....
قريبتى ولا زميلتى ولا أعرفك من سنين ... انتى مين
بسألك انتى اسمك ايه ....
مريم ولا حنان ولا زينه ولا شرين .... انتى مين
طب مش مهم انتى اسمك ايه ومش مهم انتى مين
المهم ألاقيكى فين .... قوليلى بس انتى مين؟
طب ممكن أسألك عن صفاتك...
انتى مرحه ولا جاده ولا بتحبى السكات
انتى سهله ولا حاده ومين صحابك فى البنات
مش مهم .. المهم قوليلى أبله .. انتى بتصلى
عارفه ربك .. بتطيعيه ولا بتملى
اوعى تكونى زى غيرك قالو الشهاده
وبس خلاص كده خلصت العباده
ونسيو انهم فى الأخر مبعوثين
ها ... مش حتقولى بقى انتى مين؟
طب ممكن توصفيلى نفسك...
يعنى عينيكى لونها ايه
خضره ولا زرقه ولا عسلى ولا ايه؟
طب ضحكتك .. مشيتك .. نظرتك
أى حاجه طيب ....
انتى بيضه ولا سمرا ... شكل لبسك يبقى ايه
قوليلى بس ساكته ليه ؟
انتى مين طيب ياستى...
مش مهم انتى مين ومش مهم اسمك ايه
مش مهم شكلك .. مش مهم صفتك .. المهم حبك اخباره ايه
يعنى من الأخر بتعرفى تحبى
ولما حبك بيناديكى بتجاوبى ولا بتستخبى
عارفه معنى الوفا والاخلاص
تقدرى تطلعى قلب حبيبك من بين قلوب كل الناس
لو كان كل دا فيكى .. يبقى انتى حبيبتى
ولحد مانتقابل ليكى منى حب وأشواق وحنين
رغم انى مش عارف انتى مين
.........
ايهاب جمال
هووووووبى
| التوقيع - l-lo0oBy |
|
مدى ايـدك قربى .. بشويش تعالى واسمعى نبض قلبى بيناديكى أيوه روحى دايبه فيكى سيبى نفســك .. قولى اللى فـ نفسك مش مهم تفكــــــــرى |
|