يوم الوداع
يوم الوداع كان حقيقى يوم حزين
مر ثوانى وساب لى جرح كل السنين
يوم الوداع يوم الدموع يوم الجراح والانين
يوم الودااع
يوم المرار اللى داريته عن حبيبى وعن عيونى
يوم الشقا يوم العذاب اللى شعلل نار ظنونى
يوم الفرااق اللى وصلنى لداار جنونى
يوم الودااع
استنه لحظة يا حبيبى مترحلش
خايف اسيبك دقيقة واحدة مترجعش
وحشاتنى ياما وانت جنبى تبعد ازاى اعيش
خايف انادى واقول حبيبى متسمعش
يوم الودااع
الدنيا كانت فى حداد
كل شىء شوفته بعنياا كاسى سواد
كل شىء خايف منى او عليا حتى الجماد
خايف نار احزانى تحرقه ويصبح رمااد
يوم الودااع
مر عليا اليوم دة وسكرات احزانى بتهزنى
كل شىء بالدنيا مر والدموع بتهدنى
كل شىء بحياتى راح والجراح بتضمنى
انا بنتظار لحظة خلاص من العذاب تشدنى
يوم الودااع
اتبدلت جوايا كل معانى الحب لاهات
باكيه عليك ولا عليا ولا ع الحب اللى مات
انت ماشي وهتسبنى اغرق ببحر الذكريات
انت جاي تودعنى وتشعى القلب اللى مااات
يوم الودداع
|