[marwa_86]

بسم الله الرحمن الرحيم
ازيكم كلكم؟
انا عضوة جديدة وده اول موضوع ليا ويارب يعجبكم
والموضوع عبارة عن قصتين حقيقيتين اثروا فيا جدا
وهم شبه بعض جدا سبحان الله لدرجة انى لو كنت ماشفتهمش بنفسى ما كنتش صدقت
الاولى
قصة قراتها فى جريدة الاهرام
عن رجلين اصدقاء منذ الطفولة وكانوا اصدقاء اوفياء بمعنى الكلمة رغم اختلاف الديانة
فالاول مسلم والتانى مسيحي
وبيحكوا القصة بانهم اصدقاء منذ صغرهم حتى الان وعند كل واحد منهم ابن عمره 30 سنة
وفى يوم المسلم اصيب بالعمى وكان رد فعل صديقه انه لم يتركه لحظة لدرجة انه كان يذهب له وقت كل صلاة ليمسك بيده ويوصله للمسجد
وحتى فى صلاة الفجر يستيقظ المسيحى رغم انه مش عنده صلاة فى الوقت ده ولكن عشان يروح لجاره وصديقه وياخده للمسجد حتى فى ليالى الشتاء الباردة(على الرغم ان فى مسلمين لحد دلوقتى مش بيصحوا الفجر)
وتم نشر قصتهم لتوضيح عظمة معنى الصداقة الحقيقية والوحدة الوطنية
اما القصة التانية سمعتها فى اذاعة الكبار وشاهدت نهايتها فى التليفزيون من كام سنة
وهى
عرفت عندما تقدم رجل مسيحى بطلب حج لبيت الله الحرام وسرد قصته التى اثرت فى كل من سمعها
وهى
لرجلين واحد مسلم والتانى مسيحيى وجيران ايضا
ويحكى الرجل المسيحى ويقول
انه اصيب يوم بالعمى ولم يجد معه احد من اقارب او اصدقاء لم يجد سوا جاره الذى عندما علم بحالته
لم يتركه لحظة وكان يقضى له كل احتياجاته
ويساعده فى كل اموره لدرجة لم يتخيلها احد
لدرجة جعلت الرجل المسيحى يفكر كيف يرد له جميله وهو لا حول له ولا قوة
وما ان سمع فى اذاعة الكبار فى فترة الحج عن مساعدة الاذاعة لغير القادرين على تكاليف الحج بجزء من هذه التكاليف وسمع اد ايه تعلق المسلمين بالحج وبكائهم من الحزن على انهم مش قادرين يروحوا او بكائهم من الفرح بان ربنا كتبلهم يحجوا قبل موتهم
على الفور ذهب بدون علم جاره وتقدم بطلب حج للاذاعة فاندهش المسوئلين ولكن عندما حكى القصة تمت الموافقة واخبر التليفزيون
وجاء الرجلين وعندما عرف المسلم بالخبر
لم يصدق نفسه ولم يتماسكا من البكاء هم الاتنين
من الفرحة واحتضنوا بعض وهم بيبكوا وقال المسيحى انه الان حس انه رد جزء من جميل جاره لما حس انه سعيد بالحج
م قادرة انسى المنظر فانا كنت متابعة الحكاية من اول ما قالوها فى الراديو لحد ما شوفتها بنفسى فى التليفزيون
ها
تحب تكون زيهم؟
مش عليك الا حاجة بسيطة وصعبة مفتقدينها
كلنا فى عصرنا
وهى تمسكنا بتعاليم دينا مسلمين ومسيحيين
لان الامثلة اللى فاتت ما عملتش غير انها طبقت تعاليم دينها صح
وفى اخر موضوعى حابة اقول ان اسلامنا اكبر واوسع من كونه صلاة وصوم وبس دول اعمدة الدين لكن ما فيش بيت عبارة عن اعمدة فقط
اتمنى يكون موضوعى عجبكم ونبدا نغير نفسنا من اجل نشر اسلامنا بصورته الصحيحة
اختكم
مروة