السلام عليكم,ساعات كتير بتمر علينا لحظات بتحصل حاجات او مواقف لينا حتي لو بسيطه بتخلينا في منتهي السعاده,ومجرد التفكير في الحاجات دي بتخلينا برضه في منتهي السعاده,طيب ايه رايكم نشارك بعض في اللحظات الجميله دي,وبافكركم تاني حتي لو كانت بسيطه اوي او غريبه,كفايه انها بتخلينا سعداء
يعني انا مثلا في شويه حاجات كدا بتحصل يا سلام بكون كاني ملكت الدنيا
زي ايه؟هاقول لكوا
-في ايام البرد الجامده لما اشرب مج شاي بحليب,واحس ان الدفا دخل كل خليه فيا
-لما نتجمع انا والبنات اصحابي في مطعم باراديز بتاع البيتزا ونطلب بيتزا كتير ونقعد ننم النم البناتي اللي انتوا عارفينه ده
-لما تطلع الشمس بعد يوم غيوم ومطر
-لما باتم حفظ سوره جديده في القران الكريم
-ايام الكليه(انا اتخرجت السنه دي)لما كنت باخرج من الامتحان سواء نظري او شفوي او عملي وايا كان الاجابه اللي انا جاوبتها في الامتحان
-لما بازور الايتام او الاطفال مرضي السرطان,ربنا يشفينا ويعافينا كلنا
-لما باقرا روايه رومانسيه,وكمان لما باقرا اي روايه او مقال للدكتور احمد خالد توفيق
-لما ارجع من الشغل واقعد احكي لماما واختي عن اللي حصل في اليوم
-لما احس اني قريبه من ربنا
-لما اقابل واحده صاحبتي مشفتهاش من زمان
-وقت العصر في ايام الصيف
-واكيد لما ادخل المنتدي
في حاجات كتير طبعا بس بصراحه هي دي الحاجات اللي انا فاكراها دلوقتي
ويارب يسعدنا كلنا دايما
اولا مشكورة حببتى على فكرة الموضوع دى بجد فكرة رائعه وربنا يسعدك ويبسطك دايما بالنسبة ليا انا بفرح من اقل حاجة لما بشوف الناس الى حواليامبسوطين اكيد بفرح بيهم وبحس بيهم مش بفكر فيا انا المهم الى حواليا بحاول انى اسعد الى حواليا بجد بالنسبة للى بيفرحنى فهو كتير اوى لايعد ولا يحصى اكتر شئ بيسعدنى هو وجودى وسطكم والله بجد ده اكتر شئ مخالينى فى غاية السعادة بجد وربنا يخاليى اهلى كمان ويخاليكو ليا انتم كمان
العرض العادي
