دخلنا عام 2007
وهوا يظهر انه عام السرعة
عام السرعة او عصر السرعة اللي بقصده غير المواضيع اللي بنسمع عنها
انا مش بتكلم على كمبيوتر سرعته 3000 ورامات 2 جيغا
ولا قصدي انه الواحد ممكن يلف الكرة الأرضيه بساعات معدودة
لا دي سرعة من نوع تاني
ولو حبيت تجربها بسيطة وسهلة
ادخل على اقسام المنتدى كلها
شوف آخر الردود بدون ما تفتح المواضيع
شغل ذاكرتك كويس
قوم من ورا جهازك نص ساعة
ارجع ادخل عالأقسام
هتتفاجئ لو قارنت اللي شفته قبل نص ساعة باللي بتشوفه
هتلاقي المواضيع بتاعة واحد من الأقسام او أكثر كلها آخر رد فيها للعضو( فلان )
افتح المواضيع واحد ورا التاني
شغل عيونك عالليزر
ومرّ عالحروف مرور الكرام بدون حتى ما تتهجاها أو تقراها
و أوعى تحاول تفهمها عشان الوقت
بعد ما تخلص كل المواضيع بدون ما ترد ولا على واحد فيها
بص للساعة
هتتفاجئ مفاجئة كبيرة
هتتكشف فجأة انك من العصر الماضي
ليه؟؟
لأنك وببساطة مجرد انك فتحت المواضيع وبصيت عليها من غير قراية ولا فهم
أخد معك وقت حوالي ساعتين ده من غير ما ترد
يبقى المفروض انك تشتري نضارة سريعة
بيجي فيها وصلة ups بتتوصل بالجهاز
تخليك تفهم الموضوع وتقراه بمجرد ان الصفحة تتفتح
وما تقوليش ما تعرفش بتتباع فين
دي سهله
اعمل الطريقة دي وشوف العضو السريع اللي دخل عصر السرعة قبلك
واسأله هوا جابها منين 
العرض العادي
