شو عاد بدك يا هوى فينا
من نومنا جايي توعينا
وتدب فينا العاطفة من جديد
من بعد ما ع حالنا قسينا
وتدب فينا العاطفة من جديد
وتزرع ليالينا اسى وتنهيد
تركنا بلا ملقى وبلا مواعيد
تركنا بلا ما النار تكوينا
بدك ترجعنا ولاد زغار
وتثرن صبانا وقلبنا محتار
تركنا بلا ما ننوجع ونغار
تركنا وجعنا بعد ما نسينا
معود تجي وتدب فينا الروح
ومن بعد منها تفوتنا وتروح
حاجي تحط جروح فوق جروح
جروحاتنا الفينا بتكفينا
ان كنت جايي تجرني وتمشي
ع مدينة الاحلام والرعشي
في بعد دمعة عالقة برمشي
فزعان ترميها وترمينا
كنا زغار وكان عنا ميل
واليوم طلقنا السهر والليل
صرنا اذا هب الهوى من ميل
ع ميل تاني تشوفنا مشينا
يا هوى
العرض العادي
