سهله يعني كبرها هتكبر ... صغرها هتصغر

[دمعه الم]

السلام عليكم ورحمة الله وبركاته

النهاردهـ حابه اتكلمـ معاكو فـ حاجه بنشوفها كتير في حياتنا وممكن اكون

انا واحدهـ من الناس دول

بس بجد الظاهرهـ دي زادت اوووووي وبئت حاجه تئرفـــ وهيا

تكبير الحاجات التافهه و اعطائها حجم اكبر من حجمها

زي مثل بسمعو كتير عندنا (يعملوا من الحبة قبه)

يعني دلوئتي لو اخوكي او ابنكـ كسر زجاج شباكـ البيت ... اكيد ممكن بسهوله

يتصلح او يتغير ليه بئه ساعتها بنبهدل الدنيا ونئومها ومتئعدش

بدل ما نئولو الحمد لله انكـ بخير نئوم نتعصب

ونطفش الواد او البت عشان حته شباكــ

مثل تانى

لو مراتكـ حرقتلكـ القميص وهيا بتكوي ... ليه بتتنرفز وتشتم وتتعصب عليها

هو مين اهم عندكـ مشاعر مراتكـ وإلا القميص ؟؟؟

هو انتا هتخسر حاجه لو ئولتلها فداكي ميت قميص

او تئولها فداكى القميص وصاحب القميص كلامـ من دا

والله هتلائيها تاني روم جايبالكـ قميص

غيرو متئلئش يعني

حاجه كمان

كلنا مش دايماً بنئول ان كل مشكله

وليها حل

يعني لو اي موقف مر علينا فـ حياتنا

زي دا كدا مش ممكن اننا نستغله بكل

محبه

وهدوء عشان نكسب الناس مش نخسرهم

بعصبيتنا

***
**
*

خلاصه الكلامـــ

ياريت كلنا وانا اولكو اننا نحاول

ناخد الامور ببساطه وهدوء عشان نحل

المشكله

مش نكبرها من لاشئ

لازم نبص لاي مشكله ع اساس انها اصغر

مننا مش اكبر مننا ولازم نحلها

عارفه ان الكلام دا مش سهل ان حد

يقراهـ

بس مش صعب انه يتحققـــ بس اهو نحاول

نفكر بهدوء اكتر من كدا

بـالمحاوله اكيد هنعرف نحل مشاكلنا

حتى لو الاسلوب دا اتعارض مع ناس كتير

ياريتـــ يكون كلامي سهل وبسيط عشان

يوصلكو بشكل كامل

مستنيه اعرفـ رأيكو ف الكلام دا

ومحدش يئولي صح كلامكـ ومعرفش ايه

عاوزهـ مناقشه وحوارات

مستنيه

..

[الروش]

بصى يادمعه هى المشكله مش موضوع زازا اتكسر او قميص اتحرق المشكله او وجهة النظر ان العمليه عملية اهمال حرقها للقميص اهمال منها تكسير الشباك عدم تقدير للموقف اللى بيعصب ساعتها كده مش موضوع قميص ايه يعنى قميص ولا ازاز زى مابتقولى مش هيوقفو الحياه بس المشكله فى الاهمااااااااااااااااااااااااااااااااااااااااااااا اااااااااال

[دمعه الم]

اول حاجه بحييكـ ع صراحتكــ دي

وبما انكـ اول من يشاركـ ف الرد بس وصلت لنقطه جميله وهيا

الاهمــــــــــــــال

هؤلكـ ع حاجه صغيرهـ

مش معنى كلامي اني بدافع عن الاهمال الي بتتكلم عليه

لا مش كدا

كلامي على نقطه ان ساعاتــ البني ادم يعمل حاجه متكونش مئصودهـ

كان سرحان مثلاً فـ حل مشكله معينه او باله مشغول فـ فلان فـ حرق القميص

او كسر حاجه معينه او نسي يعمل حاجه

او فكرهـ شرد شويه وحصل الي حصل

ليه بنكبر الموضوع او بنفكر فـ ان الموضوع دا اهمال

ليه منئولش ان دا غفوهـ غير مئصودهـ

مش يمكن تعبان او تعبانه كل دي احتمالاتــ واردهـ انها تحصل

لكن فكرهـ الاهمال المقصود دا معتقدش ان فيه حد يرضى بيه

بعدين هو مثل معروف

ساعه القدر بيعمى البصر

واكيد كلنا عارفين ان الاهمال مش حاجه بنئدر نسكت عليها

ومش بنئدر اننا نشد عليها يعني لو اهمل مرهـ واحدهـ مثلا دي حاجه مش مشكله

زي ما كل شويه بيهمل

ممكن الانسان يهمل ف حاجه وتكون مرهـ واحدهـ اكيد هنعديها

لكن لو اتكررت بشكل مئصود اكيد دي ليها كلام تانى

عامتا اهلا بيكــ وميرسي ع تواجدكـ وردكـ الجريئ

في انتظار بقيه الفرسان

..

[الروش]

طبعا محدش بيقول ان ماحدش مابيغلطش دا اولا كلنا بتجلنا ساعات وبنغلط او بنهمل او بنسرح كلها مسميات بس النتيجه واحده ان فيه خطأ وضرر تم انا لما بشخط فى ابنى لما بيكسر الازاز مش علشان بكرهه او علشان خايف على الازاز لاء انا خايف عليه هو ومش عايزه يغلط الغطله دى تانى لما بكلم مراتى فى قميص حرقته عارف انها سرحة وانا كمان ممكن اسرح بس علشان تعرف برضو ان اللى حصل غلط ماينفعش يتكرر تانى وبعد كده اصالحها برضو :d بس يبقى علمنا على الغلط علشان مش يتكرر تانى

مشكوره دمعه :d

[أمير الصمت]

دمعة الم
المشكلة دائما تكون داخل عقولنا
واسبابه الحياة فكما نلاحظ ان الشخص
لما تمر عليه ايام صعبة
ان كانت يأس او حزن او ضياع نفسه في هذه
الدنيا من اسباب خسارته لاشياء لها قيمة لا تقدر
وقد تكون علاقة حب او خسارة المال او خسارة
الصحة فالنهاية والبداية تكون للغضب وعدم طولة
البال والتسرع وهذه من وجهة نظري لما يحدث
ومشكور موضوعك دمعة
وبانتظار جديدك

[دمعه الم]

الروش

اشكر تواجدكـ مرهـ الثانيه

:::::::

احســــان

اشكر رأيكـ الذي اسعدني وفعلاً نقطه عدمـ اطاله البال

والتسرع من ضمن الاسباب التي تؤدي إلى مثل هذهـ المشاكل

اسعدني تفاعلكـ

..

[حكــ روح ــاية]

كلامك

بجد والله لو عملنا بيه

مش هتلاقى اي مشاكل خالص

وهتلاقى الحياة جميلة

بجد بجد

تسلم ايدك

دمعة ألم

[l-lo0oBy]

احنا عموما اللى بنكبر أى مشكله

وحتى لو المشكله كبيره واحنا ركزنا فى حلها بدل مانقعد نتكلم فيها كتير مش حتبان انها مشكله

وفيه ناس فعلا زى مابتقولى بتحاول تكبر اى حاجه حتى لو مش مستاهله

تسلم ايدك وشكرا على الموضوع الجديد دا

[دمعه الم]

تمامـــ الكلامـــ يا تايجر

واهو ادينا بنتكلم وبنخرج الي جوانا عشان

نستفيد من تجارب ومن دروس بعض

نورتــ التوبكــ

..