كلنا طيبين وولاد حلال!امال مين الى ..........؟

[داليا]

ازيكوا يا احلى ناس فى الفرسان اتمنى تكونوا كلكوا بخير

اولا انا عايزه اقولكوا انى لما بتكلم على المنتدى انا قصدى بيه المجتمع لان المنتدى بيمثل المجتمع يعنى زى ما فيه الوحش فى المجتمع هنلاقى الوحش فى المنتدى
وكمان الكويس
ادخل فى الموضوع بلاحظ حاجه غريبه اوى لما يبقى فى موضوع عن صداقه تلقينا كلنا بنتكلم عن اهميتها وان احنا اصحابنا سابونا وانهم مقدروناش ولما نتكلم عن الخيانه كلنا بنشتكى من ألمها وكلنا تعرضنا ليها وليه الناس بتخونا واحنا اوفياء ولما نتكلم عن الطيبه كلنا طيبين والناس هى الى وحشه وهى الى بتجرحنا
طب ليه كلنا تقريبا بتبقى نفس الاجابه وانا بعترف انى اول واحده بشتكى لكن ليه مبنفكرش ان ممكن الناس دى احنا الى خوناهم من الاول مش بطريقتهم لكن بطريقتنا يعنى قصدى ان كل واحد بيعمل الحاجه من وجهه نظره مش من وجهه نظر الاخر وممكن الى ميضيقش يضايق الاخر والى ميجرحكش يجرح ويألم الاخر
اقصد لما نبقى طيبين بنكون بطريقتنا مش بطريقه الى بنتعامل معاه فممكن هو ميفهمهاش على انها طيبه وممكن بنجرح الى ادمنا بحاجه احنا حسنها عادى لكنها جرحت الى ادمنا ولما بنحب الى ادمنا بنحبه بطريقه احنا فاهمين انها قمه الحب لكن ممكن هو مش حاسس بيها
لما حد بنحبه يسبنا نقول انا مستغرب مع انى مضيقتهوش ولا عمرى جرحته كان هو الى دايما يجرحنى وانا بتحمل مع انك لو سالته هيقولك ان هو كمان مجروح منك وانه كان بيعدى عشان بيحبك
انا نفسى كنت بتطلع العيب على الاخرين لكن اكتشفت ان كل الناس وحشه من وجهه نظرى يعنى حكلكوا حكايه متخفوش مش هطول
كان لى صديقه وكنا بنحب بعض وكان بيحصل مشاكل عادى بين الاصدقاء لانهم بيقعدوا مع بعض فتره طويله وخصوصا لو كانت الصداقه دى ايام المدرسه والدروس المهم صدقتى قالتلى انها مضايقه وقررت تسبنى لانها حسه انى بضايقها واجرحها فرجعت وكنت مضايقه وقلت لا دا انا كنت بضحى عشان وحاولت اسعدها وكنت بعمل اى حاجه عشان ارضيها وبعدها بفتره لاقيتها ممكن تكون صح يعنى انها كانت طيبه معايا لكن مفهمتش طيبتها او هى مقدرتش توصلى طيبتها وحبها وانا كمان مقدرتش اوصل احساسى ليها
بجد ليه ما بنحولش نفكر بوجهه نظر الاخر
نرضيه بالطريقه الى هو شايفه بترضيه واحساسنا كمان نوصلهوله بطريقته مش بطريقتنا
اتمنى اعرف ارئكوا واتمنى يكون الموضوع كمان عجبكوا

[barby]

بصي يا اجمل بنوته
انا عندي كلمتين ممكن يعترضو مع بعض الناس وممكن يتوافقو
وهما ان اللي بيتكلم بيتكلم من وجهة نظره واكيد اللي بيتكلم شايف نفسه
صح دايما والطرف التاني هو اللي غلطان لان مافيش واحد بيعمل حاجة وهي غلط وهو
عارف انها غلط وبالتالي هو هايبقي شايفها صح
وعلشان كده بيبقي فاكر نفسه هو المظلوم المغلوب علي امره والطرف التاني هو سبب المه
بس كده ده اللي كنت عايزة اقوله

[zAiNaB 86]

ميرسي على موضوعك عزيزتي

انا مع باربي... مفيش حد مايعرفش الغلط عن الصح
اكيد غير الاطفال واللي عندهم مشكله في العقل

تاني شي... كلنا بنحس اننا صح...
يعني ارائنا صح واقوالنا صح
وافعالنا صح... واذا حصل سوء تفاهم
الطرف التاني بيقول الحق...
برضه شايفين اننا صح...

وتالت حاجه الناس مختلفه عن بعضها..
وطريقة تفكيرها...
وفي اللي بتحبها واللي بتكرها...
يعني مش الكل بنفس عقل والتفكير...
ممكن نلاقي تشابه افكار بس مش على طول...
مره بنتشابه ومره بنختلف..

وده من مشيئه الله...

مشكوره على موضوعك عزيزتي تاني مره
تحياتي

[داليا]

مشكورين باربى وزينب
وردكوا

[أمير الصمت]

اولا اشكرك بنوته على موضوعك
وثانيا انا اايد كلام باربي واضيف شيئ صغير
وبسيط وهو اللغة والجنسية واحط مثلا
اني اوقات اعجز عن تفسير موضوع او بعض
الكلمات والتي لا نستعملها ك ( ادمني اياك ) الخ الخ
طب انا لما اقرأ بعض الكلمات فبيبدأ تفكير متشتت بالمعنى
وبالرد وصحيح اني اعرف اللغة المصرية ولكن ما زلت اجهل
الكثير من كلماتها هذه النظرية الثانية
وثالثا وهو الفضفضة بالكلام مش كل الوقت الانسان يقدر ان
يبوح بكل شيئ وفي العلن مثلا ان فلان اخطئ ومطلوب منه
ان يعتذر ويعترف بخطئه فببقى متردد لان كلامه مكتوب وسوف
يقراه جميع الاعضاء والزوار ومن مجرد الفكرة او الصورة
تدخل دماغه فسوق يتراجع عن الكتابة وامثال وحقيقة واشياء
وكما يقولون الخ الخ الخ
وانا اقول مشكور الموضوع بنوته
وبانتظار جديدك

[النوبى]

بسم الله الرحمن الرحيم
اولا: اشكرك بنوته على موضوعك
الشيق والقيم والصراحة موضوع جيد
والصراحة شىء جميل واحلى ما فى الصراحة
ان يكون الانسان صريح مع نفسه قبل ان يكون مع غيره
وبمنتهى البساطة :......
(عامل الناس كما تحب ان يعاملك الناس)
عندها نتجنب ان نزعل او نُزعل

[حكــ روح ــاية]

شكرا يا جميل على ابداعك وصياغتك للموضوع

أكيد كل واحد فيه طبع غريب

أن هو اللى صح والباقى غلط

مع أن فى بعض الاحيان بيكون الشخص على خطأ

وعلى فكرة الانسان الناجح هو اللى بياخد بمشورة الاخرين فى جميع افكاره

شكرا بنوته زملكوية

[l-lo0oBy]

موضوع جميل يابنوته

وانا رأيى من رأى باربى ان كل واحد بيتكلم من وجهه نظره وكل واحد اسباب مثلا الخيانه او مفهومها بتبقى مختلفه عنده

شكرا ياجميل