بسم الله الرحمن الرحيم
أكيد عنوان الموضوع ملفت بل و عجيب أن أكتب فى المنتدى الطبى عن أقراص الصراصير
ولكن إذا عرف السبب بطل العجب
الصراصير
أبو صليبه
الفراوله
أبو زومبه
أراكم تتعجبون ...... و قد تتسائلون هل أصابتنى لوسه
مش أنا اللى جاتلى لوسه
تحديدا سأخبركم بالأمر
الصيدليات و ما أدراكم ما الصيدليات فيها أدويه
طبعا فيها أدويه ما أحنا عارفين ..... ها و بعدين ؟
الأسماء التى ذكرتها بالأعلى هى أسماء أدويه أيوه و الله أدويه
أمال ايه اللى جرالها ؟
حضراتكم هذه الأدويه هى أدويه مخدره أنتشرت بين أوساط الشباب فأطلقوا عليها أسماء هلاميه مثل تلك الأسماء
يعنى مثلا
* حبوب الصراصير
هى دواء الباركينول parkinol ودى حبوب تستخدم لعلاج الشلل الرعاش
ولكن الشباب الضال يستخدم هذه الحبوب فيخيل له أنه يرى الدنيا كلها صراصير لأنه تصيبه بحاله من الهلوسه ( و برضه بتعمله دماغ )
* أبو صليبه
هو حبوب الريفوتريل اللى بتستخدم أساسا لعلاج الصرع و سموها أبو صليبه ( قصدى المدمنين مش الشركه ) لأن القرص محفور عليه صليب زى اللى فى الصوره كده
* الفراوله
هى حبوب السيكوتال وسموها الفراوله لأن لونها أحمر زى الفراوله و الحبوب تلك تستخدم لعلاج بعض الأمراض النفسيه
* أبو زومبه
ده بيسموا بيه الفاليوم valium ومش عارف صراحه سموه أبو زومبه ليه ... ؟؟؟ و الفاليوم منوم و مهدئ معروف
حبوب الصراصير وأبو زومبه وأبو صليبه
