بسم الله الرحمن الرحيم
ايه رأيكم في المغني والفنان العظيم سعد الصغير صاحب الوسط اللولبي والرقص البلدي اللي علي اصولو
وصاحب اغنية الفواكه والعنب العنب والبلح ... زغلول
وقولو تيت واركب الحنطور درجن دررجن واتحنطر
سعد الصغير اللي بيرقص شوية ورا دينا وشوية ورا نيكول السايبة مش سابا
ده غير رقصو واغانيه ورا الرقاصين في الافراح
طبعا كلكم عارفينو واللي ميعرفوش اديني قولتلو نبذه مختصرة عن سيرته الذاتية العطرة
سعد الصغير يا جماعة بني مسجد تحت بيته وطبعا فلوس الجامع جاية من العنب وقولو تيت والرقص بتاعه
والخ
المهم في حلقة من حلقات برنامج اليوم السابع اللي بيقدمو محمود سعد كان مخصص فقرة عن مسجد سعد الصغير
وكان مستضيف سعاد صالح والشيخ المسير وكان الحوار بيدور حول السؤا ل التالي
لو انت ماشي في الشارع ولا ساكن جنب اي مسجد صاحبه فنان او رقاصة وانت تعرف ده تروح تصلي فيه ولا تختار
مسجد اخر صاحبه مش فنان او فنانة او رقاصة ؟؟
المسير قال
لا انا هختار المسجد الاخر ومش هصلي في مسجد سعد الصغير واي مسجد صاحبه شبيه بسعد الصغير لانه لم يتوب
عن افعالو ولم ينتهي عن معصية الله
ومش هصلي فيه الا لو كنت مضطر
سعاد صالح قالت
لا بالعكس انا اسيب المسجد الاخر واروح اصلي في مسجده وادعيلو بالهداية واكسبو حسنات ونوع من تكفير
عن ذنوبو ومعصيته لله سبحانه ده غير ان المسجد بيت الله ومالوش علاقة بصاحبه
انا حبيت اطرح عليكم الموضوع ده انتم كمان واشوف رأيكم
مين مع الدكتورة سعاد ومين مع الشيخ المسير
شارك 
العرض العادي
