حاجه غريبه ( ابقى اقفله أحسن )

[l-lo0oBy]

ظاهره منتشره على الماسنجر معرفتش سببها لحد الان

حد يقولي ليه

ناس اعتبرتهم صحابك كل يوم بيدخلوا اون لاين

و بترغوا كتير

و في يوم كان مزاجه تعبان بايظ دخل النت متعصب

مهما اتكلمت ما يردش

و عامل بيزي او اواي


او مثلا انشغل للصبح في شغل

و برضه عامل الماسنجر بيزي او اواي

مش مهم المره دي بتبقي مقدر

تتكلم يوم ما يردش

اتنين تلاته

الصبر يا رب هتفضل مقدر لامتى

و في الاخر يا يبقي في القايمه الفريز في الماسنجر يا يضربك بلوك


السؤال بقي

هل الصداقه السيبريه دي بتطبع بطبع الجهاز

الكومبيوتر

يعني النهارده مش طالباك يا اخي تكلمني ايه دا

بكره لا تمام

عواطف متقلبه زي الويندوز مره تهنج مره تمشي بسرعه و مره بطيئه


ولا هيا كيميا بينك و بين الشخص

بتختلف من وقت لوقت


و سؤال كمان


طالما انتا تعبان اوي كدا

و مشغول اوي كدا بتفتح برنامج ليه على النت عارف انه هيقتحم خصوصيتك و يزعجك اوي كدا طب يا اخي اقفله بقي

و عموما في الاخر هرجع اقول دي حريه شخصيه برضه

وكبر يا عم من احساس و شعور الي قدامك بقي

و شكرا

................

ايهاب جمال

هووووووووبى

[أمير الصمت]

مشكور ايهاب مشاركتك بموضوع
واهتمامك بما حولك وممكن توجه
الكلام لصديق عزيز او قريب ولكن
من الصعب ان تتحكم بعقول الناس
وطريقة تصرفهم وانا مش بقصد
اعاند ولكن بحاول اوضح وهذا لوجهة
نظري
بشكرك هوبي على موضوعك وعلى كلمة
العواطف المتقلبة
اتمنى جديدك وابداعك بترتيب الاحرف بين الكلام

[دمعه الم]

والله يا هوبا دي مش غريبه ولا حاجه

من كترها على النت بئه شئ عاتى بنشوفه كل يوم تئريباً

وكلامكـ ع ان في ناس بتدخل عامله اواي او بيزي ومبتردش

دا حاجه من كامــ تفسير يااما فعلا مودهـ مش طالب انه يتكلم معاكـ

أو انه داخل يفرفش ومش عارف يندمج مع الناس

او داخل يتكلم مع ناس معينه ومش عاوز يكلمكـ عشان ميتنرفزش عليكـ

وكدا يعني فيه كام تفسير لكدا

مش جايه فـ صف الجماعه دي وإلا حاجه

بس فعا بحط نفسي مكانهم وبفكر ف ليه هما بيعملو كدا

مع ان فيه ناس رزله رزاله بجد مستفزهـ فـ الموضوع دا

عامتا يا هوبي زي ما احسان ئال كدا

دي مجرد عواطف متقلبه مش دايمه

ولو بتحصل كل يوم يبئه دي غتاته

يسلموو هوبا ع التساؤل الجامد دا

..

[moslim-girl92]

السلام عليكم ورحمه الله وبركاته
ممكن يكون الموضوع ده منتشر بس برضه فى ناس بيبقى ليها ظروفها فى كده وبرضه فى ناس بتستهبل بس على العموم انت عمرك ما هتعرف حد بتكلمه على النت من اول مره علشان كده هتتكلم مره واتنين وممكن تلاته واربعه لحد ما الشخصيه بتاعته تظهر قدامك يا هتكلمه يا هتعمل بلوك وتخلص لكن حكايه اواى وبيزى والاشتغالات دى دى كلها ناس بتحت تعمل لنفسها برستيج شويه
شكرا يا ايهاب على الموضوع

[l-lo0oBy]

مشكووووووووورين جميعا على المرور

بس انا شايف طالما الانسان دا رضى انه يكلمنى يبق يكلمنى على طول حتى لو حيدخل يقول معلش انا مشغول

ولو هو موده مش حلو يبقى ميفتحش المسانيجر أحسن

شكرااااااااا

[moslim-girl92]

لا انا مش بقول على انه هيكلمك او لا انا قصدى انك مثلا وسورى على الافتراض لو انت انسان مش كويس ده عمره ما هيظهر ليا من اول مره كلام يعنى هكملك مره واتنين لحد اما اعرف شخصيتك واكيد هيبان انك كويس او وحش يبقى يا كلمك على طول يا اما لا

[l-lo0oBy]

أيوه يامسلم جيرل فاههمك وانا أكيد أقصد الناس اللى اتكلمنا معاهم فتره يعنى

عموما هى حكايه ملهاش أخر برضه

[رحيق الجنة]

اولا : لو انا كنت بكلم حد وظهر لي بعد كده ان مش كويس مش هاكلمه بدون بقة موضوع بيزي او اواي ......... على طول بلوك وديليت

ثانيا: الشخص اللي مخنوق مني او مخنوق اساسا من الناس عنده بقة مشكلة متخانق مع حد قرفان من الحياة و يدخل على الماسنجر ويكون اونلاين والله ده اعتقد ان شخص مريض نفسيا .......... لانك مش عاوز تكلم حد داخل ليه ؟؟؟؟؟؟

سؤال اكيد محتاج لاجابة صريحة ؟؟؟؟؟؟؟؟ يعني مخنوق مش طايق حد ومش طايق نفسك مش هاقولك مش تدخل على النت ادخل براحتك وافتح كل الماسنجر بتوعك بس ايه لازمة انك عاملهم اونلاين او بيزي او اواي وانت اساسا مش طايق حد تكلمه ؟؟؟؟؟؟؟؟؟؟؟؟


ثالثا:انت فعلا مشغول ومش عاوز حد يكلمك لان في ايدك شغل عاوزه يخلص اعمل اوفلاين ......لحد لما تخلص شغلك

رابعا: المفروض انك مش تعمل بيزي او اواي غير لو انت مثلا فعلا مشغول او فعلا انت قايم تصلي ولا حاجة او بتتغدى و مثلا في حد بيبعتلك حاجة و مش عارف تقفل الماسنجر ...... بس ان دايما انك تظهر حالتك انك مثلا بيزي او اواي ........... افتكر انك محتاج تعرض نفسك على دكتور ضروري جداااااااااااااااااا

[l-lo0oBy]

جميل اوى ردك يارحيق

بجد تسلمى على التعليق والمرور

شكراااااا