رسائل قصيره

[الروش]

رسائل قصيرة :

محمد عبد الله :
" أول مرة أعرف أنك لسه بتلعب في الإسماعيلي !!!"

جمهور الأهلي :
" بصراحة جمهور رائع ووقوفكم بجوار اللاعبين الى أخر دقيقة والى ما بعد نهاية المباراة في صورة نتمنى أن تكون موجودة عند جماهير مصر كلها ولكن هذا لا يعطيكم الحق في الإعتداء على الحكم بين شوطي المباراة لا لسبب سوى أن فريقكم خرج مهزوما بهدفين لأول مرة منذ فترة طويلة !!"

جمهور الدراويش :
" تستحقون الفرحة والفوز ولكن لا يمكن أن نتقبل منكم أن تكون مبارياتكم مع الأهلي لمجرد سب الأهلي وجماهيره وحارس مرماه حتى وأنتم فائزين وبدون سبب مقنع "

جمهور الزمالك :
" الذي فاز هو الإسماعيلي .. والذي أنفرد بالمركز الثاني هو الإسماعيلي .. والمتصدر الى الأن هو الأهلي .. وأنتم فزتم على أهلي جدة .. فما سر هذا الغل الموجود تجاه الأهلي وجماهيره !!!! "

الحكم الإماراتي :
" معلش بقى جت فيك المرة ديه ... حد قالك أنك جاي تحكم لقاء بين سرس الليان وصفت اللبن ؟؟ دول الأهلي والدراويش .. حاجة كبيرة يعني ؟ "

العبقري صاحب قرار إقامة المباراتين في توقيت واحد :
" أنت معانا ولا مع الناس التانيين ؟؟؟؟"

محمد أبو تريكة :
" ربنا يحفظك ويحميك .. للمرة الأولى يهتف جماهير الإسماعيلي والأهلي في وقت واحد بإسم لاعب واحد هو تريكة .. ألف سلامة عليك يا أمير القلوب " .






معلهش في هذا اليوم هزم بطل أفريقيا من فريق أي كلام و هزم ريال مدريد من فريق أي كلام و تعادل برشلونة مع فريق أي كلام و هزم أهلي جدة من فريق أي كلام .... و حكم مباراة الأهلي أي كلام .... هذا يوم الصعاليك




المسلسل من البدايه

المشهد الاول :الاهلى يطلب تاجيل مبارياته ليستعد للصفاقس.-المشهد2:اتحاد الكرة عايز يرفض بس مش حيقدر على غضب الجمهور لو الاهلى خسر البطولة.-المشهد3:لجنة المسابقات تقرر تاجيل المباريات للاهلى مع عمل كمين له بان يعود من بطولة العالم ليلعب المباريات مضغوطة.-المشهد4:لجنة الحكام واتحاد الكرة الاهلى خد تالت العالم وجمهورة مبسوط طيب عايزين نفرح الجماهير التانية عشان مايقولوش بيجاملوا الاهلى نعمل ايه؟خلاص مافيش اى فريق من الاتنين لاعيبته ياخدوا اى انذار عشان يلعبوا الماتش كاملين ونجيب حكام اى كلام .- المشهد5-:برضه الاهلى كسب الزمالك طب والاسماعيلى حنعمل اية؟ الغندور مالكوش دعوة انا حاتصرف تعالى يا حكم انت حكمت ماتش للاهلى قبل كدة وكنت زى الزفت تعالى كمل عليهم ويا حكم ماتش المصرى طنش وعلى الله واحد من الاسماعيلى يتوقف .-المشهد 6:الاسماعيلى يلعب كرة حلوة بدون عقد والاهلى زى الزفت وخلاص المسلسل حينتهى نهاية سعيدة ولكن الحكم تعبان ومش متعود يحكممتشة فيها جمهور لان الانارات يوم لما بييجى جمهور بيبقوا25 واحد فافسد اللقاء بقرارات عجيبة جدا على الطرفين ولكن على الاهلى كامت اشد قسوة لانها اخطاء فادحة . - المشهد الختامى :صفارة الحكم وكدة راضينا كل الجماهير

[داليا]

جمهور الزمالك :
" الذي فاز هو الإسماعيلي .. والذي أنفرد بالمركز الثاني هو الإسماعيلي .. والمتصدر الى الأن هو الأهلي .. وأنتم فزتم على أهلي جدة .. فما سر هذا الغل الموجود تجاه الأهلي وجماهيره !!!! "
الزمالك والاسماعيلى واحد يعنى فرحتنا عادى زى ما الاهلى بيفرح لما الزمالك يتعادل او يخسر مع اى فرقه
والاهلى يستحق الهزيمه وبصراحه نفذ من فضيحه انه يخسر باجوان اكتر يعنى هاردلك للاسماعيلى انه كسب ب 3 اجوان بس لان الاسماعيلى مضيع انفرادات بالهبل لان دفاع الاهلى كان شوارع والشبكه كانت استقبال بس بس ماتش كان رائع
مبروووووووووووووووووووووو ووووووووووك

[l-lo0oBy]

ههههههههههههههه
الحاجه الغريبه بقى

ان تشوف ماتش الاهلى والاسماعيلى تلاقى جماهير للزمالك وماسكه اعلام الزمالك طيب بدل ماتشجعه فريق تانى

الاولى فريقكم اللى هو جنبكم مفيش كام متر بيلعب ههههههههه

جماهير فعلا واعيه ههههههه

[داليا]

يا سلام ما جماهير الاهلى عندها نفس الوعى بتروح تشجع الفريق الى بيلعب
ضد الزمالك وتسيب فريقها يلعب عادى
وبعدين جماهير الزمالك حره تروح الماتش الى هى عايزه وتشجعه:p
وبعدين هو ده كل الى همك متقول حاجه على هزيمه الاهلى
وعلى لعبه السى دا كأنوا فريق درجه تانيه

[l-lo0oBy]

طب ما نا قولت ولو دخلت قسم أخبار الرياضه حتلاقىينى قايل ان الأهلى قدم أسوأ مباره

وبعدين جمهور الاهلى عمره ماعمل كده زى ماعمل الزمالك

طب دا حتى تبقى مقبوله لو مفي ماتش لفريهم مش يبقى فيه ماتش فى نفس الوقت وميرحهوش عشان خاطر يشجعه فرقه تانيه

[داليا]

طبعا جمهور الاهلى عمره ما هى يبقى زى جمهور الزمالك
اش جاب لجاب
وبعدين ممكن الجمهور الزملكاوى الى راح كانت فى ظروف هى الى خلته يروح ماتش اكيد
الاسماعيلى ويسيب ماتش الزمالك ممكن ثقه ان الزمالك كسبان كسبان
او ثمن التذكره او مجموعه اصحاب اسمعلويه اقنعوا اصحابهم الزمالكويه يروحوا معهم
يعنى ممكن الظرورف هى الى السبب

[الروش]

مشكورين على المرور العطر طبعا بس بقول لكل زملكاوى بجد نو كومنت بجد بجد بيبقى شكلكم وحش اوى وانتو فرحانين بفوز الاسماعيلى عارفين زى اى واحد مش قادر يعمل اى حاجه مع واحد اضخم منه راح جابله ابن عمه علشان يمكن يعرف يسد معاه اهو انتو كده الاهلى واخدكم انتو والاسماعيلى طس وماصدقتو الاسماعيلى جه شد حيله على الاهلى فى مباراه وهو خارج ياحرام من خناقه وتعبان من كتر الضرب


يلا معلش مسيرها تروق وتحلا وال عارفين ان الزمالك كسبان كسبان اهى دى احلى نكته بجد سمعتها بعد المصرى وهزيمتهم من الاهلى ولا ابو عريج اللى بينافس على الهبوط فى الدورى الجزائرى قولهم حاجه ياهوبى قولهم فى دفاتر ممكن نقرا فيها ومانزهقش

[حكــ روح ــاية]

المشاركة الأصلية كتبت بواسطة بنوته زملكويه

جمهور الزمالك :
" الذي فاز هو الإسماعيلي .. والذي أنفرد بالمركز الثاني هو الإسماعيلي .. والمتصدر الى الأن هو الأهلي .. وأنتم فزتم على أهلي جدة .. فما سر هذا الغل الموجود تجاه الأهلي وجماهيره !!!! "
الزمالك والاسماعيلى واحد يعنى فرحتنا عادى زى ما الاهلى بيفرح لما الزمالك يتعادل او يخسر مع اى فرقه
والاهلى يستحق الهزيمه وبصراحه نفذ من فضيحه انه يخسر باجوان اكتر يعنى هاردلك للاسماعيلى انه كسب ب 3 اجوان بس لان الاسماعيلى مضيع انفرادات بالهبل لان دفاع الاهلى كان شوارع والشبكه كانت استقبال بس بس ماتش كان رائع
مبروووووووووووووووووووووو ووووووووووك

شكرا بنوته على ردك

والف ألف مبروك للاسماعيلي

وهرد لك للاهلى

والكورة غالب ومغلوب

وعمر ما الحال بيفضل على حاله

والحمد لله

وثانيا الكورة أخلاق وده الاهم

والحمد لله الاخلاق منعدمة بين الفرق المصرية

وكمان جماهيرها

على العموم شكرا ليكم جميعا

[داليا]

هو كلامك يا روش اكيد موجهه لى بماانى الزملكويه الوحيده الى رده فى الموضوع
اولا شكلنا مش وحش ولا حاجه عادى والاهلويه وانت اولهم بتفرحوا لما اى فريق تكسب الزمالك
وانت علقت على تعادل غزل المحله والزمالك وكنت فرحان
ودا عادى
ثانيا بقى للبطوله العربيه ففريق اهلى الجزائرى مش فريق ضعيف ولا حاجه بدليل
انه فى المركز الاول حتى الان وفريق مخسرش فى ال3 ماتشات الى لعبها
والفرق الى بتلعب مع الزمالك قويق ماهياش ضعيفه يعنى اهلى جده والقادسيه
فرق عربيه معروفه جدا فى الوطن العربى
لاشكرا على واجب يا تيجر ويارب النصر والفوز دايما للاسماعيلى والزمالك