12-31-2006, 03:34 PM
|
#1 (permalink)
|
 معلومات
العضو |
|
|
|
|
|
اعتبره قلب وراح.. اعتبره قصر جراح اتهد ع اللي بانيه..!!
دا جزء من اغنية غناها مطرب شعبي معرفش اسمه و غنتها شيرين برضه
لأول مرة معا 
المهم هتكلم عن بني آدم عدى عمره العشرين بسنوات قليلة , بدأ يشق طريقه في الحياة بنجاح رغم المعوقات الكتير اللي شافها وبيشوفها في حياته
هذا الوغد ربنا اعطاه نعم كثيرة منها الذكاء , حب من حوله , صداقات كثيرة , وسامة ,موهبة , شيء من التدين , جدعنة ولاد البلد .
بالتأكيد هو مش ملاك وله أخطاء زي بقية البشر ربما تكون بسيطة لكنه بيراها دايما أخطاء عظيمة ونفسه اللوامه بتنغص عليه حياته كتير .
ظروفه المادية مش مريحة , معندوش أب يقدر يساعده في زواجه , لسه قدامه طريق طويل عشان يقدر يكون نفسه ويتجوز.
يعني من الآخر شاب يشبه شباب كتير .. عنده حلم وعنده الاصرار على تحقيقه , لكن الحلم محتاج بطارية تشحنه عشان يقدر يواصل
البطارية دي أكيد بيختلف شكلها من انسان لآخر , لكن عند صاحبنا هي الحب .
رغم انه بيتمتع بحب كل من حوله إلا إنه ملوش أي علاقات عاطفية , في حياته علاقة واحدة انتهت قبل ان يتذذوق حلاوتها
وتجمعت الظروف وبعض الأشخاص عشان يقتلوا الحب دا وكأن المعطيات دي كانت متربصه له و بس فكر يحب 
العلاقة انتهت بشكل ظاهره يوحي بالشياكة وعقلانية الطرفين , وباطنه يحمل من المشاكل والأسى ما يحمل
انتهت العلاقة وصاحبنا الوغد جمد قلبه وقال اعتبره حب وراح , المستقبل والحلم أهم من كل العوائق
واعتبر التجربة واحدة من العوائق اللي قابلته في حياته واللي قدر انه يحولها لقوة دافعة له لتكملة مشواره
لحد هنا وصاحبنا الوغد جدع أوي وبيظهر تمتعه بشخصية قوية وجسارة تشبه جسارة قبطان السفينة في مواجهة أعتى الأمواج
لكن .. و آه من تلك الكلمة الكفيلة بقلب الوضع من النقيض الى النقيض
مكالمتان هاتفيتان من حبيبته لمجرد الإطمئنان على أحواله , مكالمتان احداهما طويلة نسبيا
شعر خلالهما بانفاس محبوبته وبسماعة التليفون الخاصة بها التي لا تريد أن تغلق الخط رغم انتهاء الكلام
رغي لمجرد الرغي ولحظات صمت للبحث عن كلام حتى لا تنتهي المكالمة
مكالمتان هاتفيتان أظهروا الضعف الشديد اللي في شخصية صاحبنا الوغد
اللي من ساعتها مش عارف يتلم عى أعصابه
الكآبة اعتلت وجهه والشوق اعتصر صدره
أصبح يفكر فيها وفي الحب الذي يحتاجه
أصبح ينظر لفترات لكل شيء يرتبط بها
اصبح يشاهد كل افلام النجمة السينمائية التي تشبه محبوبته كثيرا
اصبح يقضى الليالي والدموع تترقرق في عينيه
يعتصر الالم و الشوق في جنبيه وصدره
أصبح عاجزا عن فعل أي شيء
وآه لو تدركون كم يقهر العجز صاحبنا
تفتكروا صاحبنا فعلا بيحب , ولا محتاج للحب , تفتكروا حبيبته لسه بتحبه ولا بتحاول تعدل مسار العلاقة
من قصة حب انتهت لصداقة أو لأي مسمى آخر , تفتكروا صاحبنا الوغد يعمل ايه ؟؟!! .............. ايهاب جمال هوووووووووووبى
| التوقيع - l-lo0oBy |
|
مدى ايـدك قربى .. بشويش تعالى واسمعى نبض قلبى بيناديكى أيوه روحى دايبه فيكى سيبى نفســك .. قولى اللى فـ نفسك مش مهم تفكــــــــرى |
|
|
|
|
العرض العادي
