الـ "كاف Caf" هي اختصار لاسم الاتحاد الأفريقي لكرة القدم مثل "fifa" اختصار لاسم الاتحاد الدولي لكرة القدم.
والكاف أو الاتحاد الافريقي دخل هو الآخر معركة التخليص علي نادي الزمالك والسبب بالطبع أن مجلس إدارة نادي الزمالك الحالي يجهل النظم واللوائح المنظمة للبطولات الرياضية ومنها بالطبع بطولة رابطة الأندية الأفريقية البطلة التي يشارك فيها الزمالك والأهلي من مصر وأذكر اسم الزمالك أولا لأنه أول ناد في قارة أفريقيا قبل الأهلي أيضا يفوز بكأس الأندية الأفريقية أبطال الدوري خمس مرات وكان انجازا قاصرا علي الزمالك وحده دون سائر أندية القارة حتي لحق به الأهلي في الشهر الماضي وعادل رقمه في عدد مرات الفوز.
أما دخول الاتحاد الأفريقي للمشاركة في التخليص علي نادي الزمالك فظهر واضحا مرتين.. الأولي عام 1999 عندما اختار النادي الأهلي ليكون نادي القرن في قارة أفريقيا وكانت بطولات الزمالك أكثر ومع هذا لم يعترض بني آدم واحد يومها من مجلس إدارة الزمالك.
ثانيهما ما حدث أمس الأول في قرعة بطولة أفريقيا لعام 2007 وهو الأخطر فقد وضع الاتحاد الأفريقي "اتحاد مصطفي فهمي ابن مراد فهمي" وضع الزمالك "صاحب البطولات الأفريقية الخمسة قبل الأهلي وقبل سائر كل أندية أفريقيا".. وضعه في التصنيف الأخير.. ضمن فرق القاع.. ضمن التصنيف الثلاثين في قارة أفريقيا بينما وضع الأهلي والإسماعيلي وإنبي ضمن التصنيف الأول كل هذا ومجلس الإدارة الذي ابتلي به الزمالك لا يدري وهو معذور لأنه لا يعرف ولا يفهم وليست عنده خلفية وهذه هي هدية حسن صقر ابن الزمالك لناديه الذي عمل له اسمه وأوصله للمنصب الذي هو فيه.
وضعوا الزمالك "صاحب التاريخ العريق" مع فرق التصفيات.. فرق دور الـ 64 كمالة العدد.. فقارة أفريقيا بها 52 دولة منها 6 دول لا تدفع اشتراكات فيصبح عدد الدول 46 دولة.. وتصوروا وضعوا الزمالك ضمن فرق دور الـ 64 دولة علي أساس أن كل دولة كان يمثلها في الماضي فريق واحد.
ومن أجل المكاسب والربح اختاروا بعض الدول الكبري.. صاحبة التاريخ الأفريقي الكبير ومنها مصر للاشتراك بفريقين في كل مسابقة من المسابقتين.. اختاروا الزمالك والأهلي لبطولة أبطال الدوري.. والإسماعيلي وإنبي في مسابقة الكونفدرالية وهذا عظيم.. لكن ما هو سييء أن يوضع الزمالك مع فرق "النخالة".. فرق القاع ليشارك في الدور التمهيدي.. دور الـ 64 ليلعب مع نادي فيتال أو "vital O" بطل بورندي ولو صعد يلعب في دور الـ 32 مع الهلال السوداني أو البوليس التنزاني.. أي أن الزمالك أقل من الهلال والبوليس!!!! ولو صعد لدور الـ 16 يواجه أشانتي كوتوكو!!!!
أما الأهلي فطبعا يلعب مباشرة في دور الـ 32 مع الفائز من بطل جنوب أفريقيا وبطل سوازيلاند!!!!
أيضا الإسماعيلي يلعب مباشرة في دور الـ 32 مع الفائز من بطلي موريشيوس ومدغشقر.. ويلعب إنبي في نفس الدور مع جمعية الشلف الجزائري وكونكورد موريتانيا!!!!
أيها الزملكاوية هذا ما فعله معكم الاتحاد الأفريقي.. إما بموافقة مجلس إدارة الزمالك وهذا هو الأرجح وإما لجهل مسئوليه باللوائح وهذه هي الكارثة!!! هذاعمود بدون مجاملهللناقد الرياضى محمود معروف فى جريده الجمهوريه بتاريخ 24 _12_3006
على فكره لو محمود معروف اللى كاتب الكلام دا يبقى مابيفهمش فعلا
وعلى فكره هو معروف انه زملكاوى جدا
المهم حكايه ان الاهلى نادى القرن دى بتيجى بحاجه اسمها تجميع نقاط يعنى كل دور بيوصله النادى ليه عدد من النقاط يعنى ممكن نادى ياخد بطوله 10 مرات وباقى البطولات يطلع من اول دور فدى تفرق معاه فى التصنيف فى القرن
وبعدين يعنى هو كان فارق عن الأهلى ببطولتين فى دورى الأبطال والاهلى كان برضه فارق عنه فى كأس أفريقيا باتنين برضه
أما عن تصنيف الفرق فى البطوله الجايه دى فدا مش بيعمل حساب ان النادى دا عريق أو واخد بطولات كتير ولا كده
دا بيحسب الفرق المشتركه دى من فيهم أعلى فى البطوله اللى قبلها وهكذا لو متحسمش المووضع يبقى فى اللى قبلها برضه
ومش فارقه يعنى كده ولا كده دا فريق ضعيف يعنى والمفروض ان الزمالك لو داخل ينافس يبقى يشيل كله من سكته
وعلى فكره برضه الأهلى لما خد بطوله 2005 اللى هى قبل اللى فاتت كان نفس النظام معمول عليه واتحط فى التصنيف مع أسوأ الفرق ومدخلش على طول لدور 32
اولا الكلام دا فعلا كان فى عمود محمود معروف امبارح وبعدين هو كاتب محترم يعنى مش عشان زملكاوى هينحاز ليه ويقول كلام غلط لكن المفروض ان فريق الزمالك فريق عريق والمفروض انه ميلعبش دور64 واذا الاهلى لعب فهو حر ودا غلط الاداره انها تنازلت عن كرامه فريقها وحكايه نادى القرن فدى مش فارقه معايا اصلا لان مش الزملكويه الى هتفرق معهم لقب تسلم لمرورك يا هوبى
وانت طيب ويارب العيد يبقى سعيد عليك انت كمان يا هوبى بس والله متنرفزتش ولا حاجه انا بس الى حال الزمالك مش عجبنى وهو الى مضايقنى فعلا لان الفريق بيخسر من طوب الارض وحتى لما فاز على الحدود كان بالعافيه وبعد طلعان روحى وبعدين انا واثقه ان الاهلى هيكسب فى العيد هى الكارثه كلها ان الزمالك يخسر بفضيحه وانا معاك ان الفريق بارقامه لكن هل معنى كلامك ان علشان الزمالك مش بيفوز ومش بيحقق انجازات دلوقتى يبقى فريق ضعيف هل النتائج دى هتمسح تاريخ الزمالك وانجازات السابقه معتقدش لان اى نادى لازم هيمر بفتره ينزل مستواه وبينهار
ربنا يخليك يا هوبى ماشى انا معاك لكن دا غلط المفروض ان كل فريق بانجازات وفريق الزمالك فريق كبير ومينفعش يلعب فى دور ال 64 وبالذات فى بطولات افريقيا وبعدين بلاش نادى القرن خلينا دى فى القرن الى جاى
هنلاقيها من مين ولا مين حسبي الله ونعمه الوكيل
