موضوع شكله عبيط كالعاده بس يلا ما علينا اقروه
انا كان عندي سؤال غريب شويه...
ليه؟؟
ليه الانسان ضعيف كده؟
ليه ممكن يتهزم و يتدمر في لحظات بالشكل ده؟؟
ليه بنلاقي ناس في قمه الجبروت و الظلم و القوه، في يوم و ليله بيتهزموا و بيبقوا اجبن من الجبن نفسو؟
يا سلام عليكي يا دنيا غريبه و دواره بشكل...
الانسان ده ضعيف اوي، يوم يبقي فرحان و الدنيا مش سايعاه مالفرحه
و يوم تاني مليان حزن و نكد و ضعف و سخط عالدنيا
طب ليه؟؟
بنمر بطرق كتير اوي، منها صح و منها الغلط، ساعات الغلط بيكون مستخبي في عبايه الصح، يعني مانقدرش نفرقهم عن بعض مالاخر
لدرجه اننا ساعات بنبقي تايهين.. مش عارفين احنا هدفنا ايه و لا رجلينا هتودينا فين بعد كده
طب طريقنا ده صح و لا غلط؟؟
اللي بنعمله.. حرام و لا حلال؟ ربنا راضي عننا و لا لا؟؟
طب نعرف ازاي؟؟
متلخبطين اوي بين الصح و الغلط..
طب ليه؟؟
ليه ساعات بتجيلنا حاله توهان.. لا مبالاه.. عدم اكتراث.. ماتفهموش
حاله كده غريبه، نسيب حاجات مهمه تضيع مننا و احنا واقفين نتفرج، و في الاخر نقول "كلو علي الله، كلو بايد ربنا"
طب ما هو كلو علي الله، و كلو بايد ربنا، و نعم بالله يعني
بس برضو ربنا قال، اسعي يا عبد و انا اسعي معاك...
بس احنا مش بنسعي، بنستني الخير هو اللي يجي لحد عندنا و احنا حاطين رجل علي رجل
ليه؟؟
ليه السكينه بتفضل سرقانا لحد ما نقع و حاجات كتير تضيع مننا
زي العقد لما بيتفرط، بيبقي صعب تجمع الخرز اللي كان فيه تاني،
و كله ده ليه؟
عشان الخيط كان في الاساس ضعيف،
بمعني اصح نفوسنا كانت في الاساس ضعيفه..
ليه..؟؟
كل واحد فينا ملامحه مختلفه عن التاني، طبعه غير التاني، بس الدنيا ضيعت اي شئ برئ جوانا، اي ذره حب تاهت في وسط زحمه الدنيا
تعبنا من اللف، ملامحنا اتغيرت، بقينا كلنا نفس الملامح، نفس الطبع، كلنا بنجري عشان نلحق و ما يهمناش بندوس علي مين عشان نوصل
انشاءالله يكون اقرب الناس لينا، برضو بندوس..
ليه؟؟
ياااااااااااه بجد احساس جميل، لما تبقي باصص للسما بليل، و تفتكر شريط حياتك كله، و تحس انو بيمر قدام عينيك... و تبكي
تبكي ندم لربنا و تترجاه انو يسامحك و يغفرلك ذنوبك و يرضي عنك، و تفضل تبكي و تبكي لحد ما ترتاح و تحس انك غسلت ذنوبك و ان ربنا راضي عنك
و انك رجعت بالبراءه اللي كنت عليها و انت طفل صغير
بس ليه مش بنفضل بنفس البراءه اللي اتولدنا بيها
ليه؟؟
بنغلط، و بنتوب،
بنحزن، و بنفرح،
بنصاحب، و بنتصاحب،
بنحب، و بنتحب
بس في الاخر ماقدمناش غير طريق واحد
بنرجع لربنا، و بنشكره علي كل حاجه، سواء كانت حلوه او وحشه،
و من غير ما نساله ليه..؟
...........
ايهاب جمال
هوووووووبى
شارك 
