!::..في اخرها في اولها، احمد ربنا انك لطشت فيها اساسا..::!, السنه خلاص حنودعها

[l-lo0oBy]

ازيكم ازيكم؟؟ يا رب تكونوا بخير
خلاص فاضل اقل من شهر و سنه ٢٠٠٦ هتروح...
بحلوها و بمرها هتروح و هتبقي مجرد ماضي
نفتكره
و يا اما هندعي للي فات انو يرجع ، يا اما هندعي عليه اياكش يولع
بكل التجارب اللي حصلتلنا فيها، و بكل الانجازات اللي عملناها فيها، كلو هيبقي ماضي... (اذا كان فيه انجازات اساسا يعني )

بس تصدقوا كانت سنه طويله
طويله اوي اوي، عدت زي ما تكون قرن مش سنه..

يا تري انتو عملتو ايه السنه دي تفتكروه؟
حاسين ان زيها زي اي سنه عدت؟ و لا فيه حاجه جديده حصلت و غيرتكو السنه دي؟
طب ايه التجارب اللي مريتو بيها؟ مشاكل؟ انجازات؟؟ كلوو كلووو فضفضوا يا اخواننا

...........

ايهاب جمال

هووووووبى

[دمعه الم]

موضوع تمام التمام يا ايهابـــــ

فعلاُ السنه دي بصراحه عدت عليا من اطول سنين عمري

والي احلامي كلها ضاعت فيها

وما فضليش غير حلمـــ واحد اهو فضل نسبياً

بس اهو حاجه احسن من مافيش

بس بجد يا ايهاب السنه دي كانت وحشه على ناس كتير اوي

مش لوحدي يعني

بس الحمد لله على كل شئ

وان شاء الله السنه الجديدهـ تكون احسن لينا كلنا

لأننا لازم نخرج من السنه دي بـ شخصيات جديدهـ خالص

ونتعلم من الي فاتــــ ونكون ونصر اننا نكون احسن

ميرسي يا هوبي على التوبكــ


وياريت نعرفــ ردكــ انتا كمان

..

[l-lo0oBy]

ان شاء الله تعرفى ردى بس مش دلوقتى

نورت يا دمعه مع انى كنت اتمنى تحكى مواقف او لحظات حصلتلك فى السنه دى

[دمعه الم]

لو هتكلم على لحظات او مواقف يا ايهاب

يبئه مش هتكفيني الصفحات دي

بس بـ المختصر المفيد

اصعب موقف مر عليا

ان حلم حياتي الي بنيتو فـ سنين وسهرتـ عليه

وكبرنا سوا وعشنا سوا

يضيع زي ما كل شئ ما بيضيع

وبسبب شخصيه متعرفش معنى الانسانيه او الامومه

واكيد انتا عارفــ ان الحلم الي بيتبني فـ سنين

لما بيضيع فـ لحظه بيكون ايه الاحساس ساعتها

ربنا يبعد الاحساس دهـ عنكو جميعاً بجد

لانو صعب لا مش صعب لأنو قاتل

بس مش هئول غير الحمد لله ع كل شئ

::::::

ميرسي هوبي على المتابعه وتئليب المواجع

..

[l-lo0oBy]

معلش يادمعه انا أسف انى فكرتك بحاجات مكنش لازن تفتكريها دا لو كنتى نسيتيها من أصله

مشكوووووووره تانى على مرورك

[داليا]

انا السنه دى كانت معقوله نسبيا فى اولها لكن اخرها يعنى الحمدلله على كل حاجه
واكتر حاجه اتبسط منها ان اتعرفت فى اخر سنه ليا فى الكليه على ناس كويسه اوى وحبيتهم
وكانت سنه حلوة لانى كنت حابه القسم والدراسه والدكاتره وكل حاجه
وطبعا لما نجحت واتخرجت من الكليه الحمدلله واخويا اتجوز وقريب اوى هبقى عمه
وانا مبسوطه اوى
يمكن كان فى اخبار محزنه لاصحابى فاكيد ضايقتنى ويعنى اخويا تعبان شويه ربنا يارب يشفيه
بجد كانت سنه كويسه ويارب السنه الى جايه تكون احسن وكل الى بتمناه يتحقق
لكن طبعا فى احداث حصلت فى العالم كانت مش كويسه يعنى حرب لبنان وقصه الحجاب و تصريحات بابا الفاتيكان
اتمنى ان كل ده ميحلصش مثيله السنه الى جايه
واتمنى يارب كل الناس السنه الى جايه تبقى عام سعيد عليه واولهم دمعه الم وهوبى وكل الناس
بجد يا هوبى كل مواضيعك رائعه ومتميزه زيك يارب يسعد كل ايامك

[zAiNaB 86]

جميييل جدا يا هوبي الموضوع ده... تسلم...
وكل سنه وانت طيب وانتو طيبيين مقدم بحلول عام 2007 وحلول عيد الأضحى!!

اما بنسبه للسنه دي ،، كانت عندي قصيره جدا نوعا ما... لانها مرت بسرعـــــــــه... وبالرغم من ذلك،،،، كان لها مواقف وحكايات كبيره لا تنسى..... مررت بشويه ايام او تقدر تقول شهور مؤلمه..... ممكن بتكون لبعض الناس عاديه لانو كتيير بيقولو اني حساسه في تلقي بعض الامور واني بتأثر فيها...
والى جانب ذلك كانت معظم الاوقات عائليه... حبيت وقت تواجدي في حضن العائله والمشاورات والكلام اللي بيحصل في البيت... والعيش في دفئ وحنان العائله.. لانو الاوقات في الكليه هي اللي كان بيصير فيها اوقات وروتينات غير محببه لنفسي... ممكن او بالحرى اكيد لاني موجوده في عالم غربي واني بلاقي رقم وجودي فيه 4 سنين صعب انو افهم واتاعيش معه....

بس على العموم السنه كانت لا بأس فيها وبقول زي ما قالت دمعه الم،، الحمدلله على كل حال...

انشالله نلاقي السنه الجديده احسن واحلى بكمثيير وتبقى آمنه والحروووب تزووول... على اقل تخف لانو عارفين مستحيل تزول...
وانشالله نلاقي الفرحه تعم في انحاء العالم...

تحياتي لكم..

[أمير الصمت]

مشكور لموضوعك
(( واتمنى السنة الجديدة ))
(((تكون كلها خير وسعادة )))
مشكور

[l-lo0oBy]

بنوته وزينب كل الشكر ليكم ويارب يجعل ايامكم كلها هنا وسعاده

تسلموووووووولى

احسان نورت ياغالى ولو انى كان نفسى ترد وتقول ايه حصلك

مشكووووووورين