بص تعالى هنا مسالتش نفسك امتى تسيب حبيبك سؤال مهم جدا ومحتاج منكم الاهتمام ده لو انت

[maroo]

بسم الله الرحمن الرحيم


سؤالى ليكم كلكم النهارده للى بيحب والى مش بيحب سؤالى وموضوعى النهارده مهم جدا ده من وجهت نظرى

من غير لف ولا دوران بتهيألى اسم الموضوع واضح جدا مسالتش نفسك انت ممكن تترك حبيبك ياه تخيل كده تترك حبيبك مسالتش نفسك امتى ممكن تسيب حبيبك ياترى ممكن تسيب حبيبك امتى

فى ناس هتقول انا ممكن اسيب حبيبى لما احس انى قرفت وزهقت منه من الاخرجبت اخرى معه حاولت كتير انى اغيره النى اعدل منه انى اخاليه انسان تانى لكنى فشلت طب مسالتش نفسك انت عملت ايه معه علشان تغيره مسالتش نفسك اسلوبك اصلا ازاى يعنى اسلوبك يشجعه انه يتغير ولا ايه ممكن يكون اسلوبك وطريقتك هيا الى غلط ممكن انت مش عارف تدخل من المدخل الصح
فى ناس ينفع معها الحنيه وفى ناس تانيه ينفع معها القسوة وفى طرق وحاجات كتير

فى ناس تانيه هتقولى انا ممكن اسيب حبيبى لما احس انه معدش بيحبنى طيب ازاى يعنى هو ياجماعه الحب بيتبدل فى يوم وليله كده ازاى احنا كنا كوبيسين وتمام وفجاءة ظهرت حاله من البرود العاطفى فجاءة كده معنتش بحس بحبك
طب ماقبل ماتفكر فى الهجر والترك والبد ماتواجه حبيبك بالحقيقه دى وقوله انا معنتش بحس بحبك معنتش بحس انك بتحبنى زى الاول انت ايه الى مغيرك ممكن يكون فى شىء مغيره فعلا ممكن يكون احساسك غلط ويكون عداد قلبك بايظ وعايزله عمره ممكن يكون فعلا حبيبك متغير ومعدش فعلا بيحبك بس فى كلا الحالات بيكون العيب منك انت
ومنه برضه ازاى معدش بيحبك هو الحب دوت حاله احنا بنعشها وخلاص الحب ده احساس جامد موت مش بيتغير ولا بيتبدل بس لااسف اليومين دول كل حاجه متوقعه والى تحسبه موسى ممكن يطلع فرعون ؟

فى ناس تاينه تيجى تقول ممكن اسيب حبيبى لماا احس انا بقه ان عداد قلبى معدش شغال خالص اجيبه يمين شمال مش شغال خلاصمعنتش حاسيس ان ده حبيبى ان ده الى انا بدور عليه لالالالا مش ده روميو حبيبى الى هيخطفنى ويطير ونسكن فى جزيرة لوحدينا لا ده عباس هو الى خطف قلبى ومحسن خلاص راحت عليه سورى انا بستعين بالاسماءيعنى علشان نفهم وممكن ده رانيا ياعينى عليها خطفت قلبى لكن منى راحت عليها يالهوى على جمال مايا وياخرابى على نكد امنيه ممكن كتير نقعد مع نفسنا ونفكر بالطريقه دى طيب تفتكروا لو احنا وصلنا بالتفكير اننا ننقى ونختار ونقارن بين محسن و عباس وبين رانيا ومنى وبين مايا وامنيه تفتكروا ده اسمه حب اننا ننقى ونختار ولا كااننا بنشترى خيار هو ده الحب معتقدش ده حب ده اسمه تضيع وقت احساسنا غلط 100% الحب مره ماكان سلعه بتتنقى وتختار لا الحب ده حاجه غاليه اوى لا ببتتغير مع الايام ولا بتتحول الحب حاجه ثابته وراسخه مش بتتغير مع الايام الحب ده اقولكم ايه بس الحب ده انبل احساس ممكن الواحد يعيشه يحسه



بالنسبه ليا انا بقه هرد على السؤال المطروح امتى اسيب حبيبى؟؟؟؟

اولا انا معتقدش انى ممكن اسيبه مهما حصل الى هيبعد هو الموت اكيد فى مواقف كتير ممكن تواجهنا وتقابلنا ومشاكل وحاجات بس استحاله انى افكر انى اسيبه لان انا بقول ايه ده حبيبى هو الحبيب دوت الواحد بيلاقيه بالساهل هو بالساهل كده قلب الواحد ممكن يدق لا هو بيدق مرة واحده او لشخص واحد معتقدش انى همشى بمدأ محسن وعباس او مايا وامننيه لا انا همشى بمدا الحب الحقيقى الحب لا بيتجزأ ولا بيتغير انا منكرش اننا ساعات بنحب ناس هما مش بيحسوا بينا وتعرفوا ده من اجمل انواع الحب مش مهم انك تلاقى نفس التبادل من المشاعر بس كفايه انك تحس انك بتحب كفايه انك بتحس انك بتحب شخص وياحلاوته ياجماله لما يكتمل الحب دوت ويكتمل بنصك التانى بحبيبك

انا بطلب من كل واحد وواحده انها قبل ماتفكر انها تسيب حبيبها او تبعد او من البدايه خلاص قبل ماترتبط تسأل قلبها هل هو دوت فعلا حبيبك هو ده الى انت بتدور عليه هو ده الى قلبك ماله وهو ده الى انت بتدور عليه اسال نفسك علشان متفكرش انك بعد كده تختار وتنقى وتحتار من البدايه اسال قلبك وفكر

وهستنى ردودكم

على فكرة الموضوع ليه بقيه

[دمعه الم]

اول حاجه الموضوع دا جميل

وبصراحه فكرهـ اني مش هسيب حبيبي دا ي سبب كان

ممكن يكون صح او غلط

صح لما يكون الحبيب دا فلاُ يستاهل التضحيه او الوقوف جمبو

وغلط لما يكون هو اصلا مش مئدر اي حاجه من الي بعملها عشانو

بس انا من رأيي ان لو البني ادم دا فعلاُ يستاهل اني اضحي بـ حياتي عشانو

مش هتأخر عنو

بـ النسبه لسؤال بئه

انا ممكن فـ حاله واحدهـ بس ابعد عن حبيبي

لما احس اني عقبه فـ طريقه واني ممكن ارجعو لورا مش اطلعو لـ ئدامـــ

فـ الحاله دي ممكن انا الي ابعد عنو

ميرسي يا مارو ع السؤال اجميل دا

..

[maroo]

انا شايفه ان الموضوع ده مهم اوى وياريت نتناقش فيه

[زرقاء اليمامه]

بصراحه يا مارو موضوعك جميل اوى ويشد
بس ممكن اسالك سؤال لما الواحده تحب بنى ادم اوى
وتبيقى حاسه انه بيبادلها نفس الشعور والاحساس ده يطلع غلط
وهو يكون واخدها تسليه مش اكتر ويرسم عليها الحب لاخر لحظه
وتكتشف بالصدفه كل الكلام ده تفتكرى هتقدر تحب تانى وتعيش حياتها وكان شيئا لم يكن وازاى هتحس بطعم الحب وهى مش حاسه بالامان وهى سابته علشان كده ياترى هى غلط ولا صح ?????????????????????????????????????????????????? ولو هى صح يبقى ايه اللى استفادته???????????????????? منتظره الرد وبجد يا مارو نفسى حد يجاوبنى

[داليا]

فى ناس ينفع معها الحنيه وفى ناس تانيه ينفع معها القسوة وفى طرق وحاجات كتير

ليا تعليق على الجمله دى
محدش عمرى بيجى بالقسوه

حكايه اسيب حبيبى
اعتقد الكل هيقول لا
لنفس السبب تقريبا
ان ااناا عشان اقول بحب وان دا حبيبى
لازم اكون وصلت لدرجه كبيره اوى من التفاهم
مع الطرف التانى ووصلنا لدرجه اكبر من الاحساس ببعض
ولازم كمان يكون اختيار مش قلب بس
لان القلب عمره ما بيقدر يحكم صح
لازم العقل والقلب
واكيد لما هختار حد صح
اكيد عمرى ما هسيبه
انما لو الاختيار غلط من الاول
اسباب السيبان هتبقى كتير
يعنى تعددت الاسباب والموت واحد

[zAiNaB 86]

عزيزتي موضوعك رائع... وردي عليه من وجهة نظري هي
انو اذا انا حبيت حد من قلبي مش هسيبه بسهوله لأني
هبقى احبو من قلبي و كل يوم يمر هتكون ذكرى جميله
فـ مستحيل اتخلى عن الذكريات دي بسهوله واذا في خلاف
او جدال هتجنبها او نحلها مع بعض.. بس انو اسيب هتبقى صعب اوي..

تسلمي حبيبتي على موضوعك ربي يعطيكي كل عافيه
تحياتي لكي

[sayed_554]

السلام عليكم ورحمه الله وبركاته

ازيك يا مارو يارب تكونى بخير
اولا موضوعك جميل جدا وفعلا لازم النقاش فيه

الموضوع بقى يا مارو امته تسيب حبيبك ده
معتقدش يعنى ان فى يكون يسيب اللى بيحبه علشان بيكون اجمل حاجه فى حياتهم
او لو حب من طرف واحد وده ممكن يحصل
لكن اللى يزهق من حبيبه ده سورى يبقى فاشل فى حياته وعمره ما هيعرف يحب

لو ممكن لو اللى الانسان اللى بيحبه مش بيسمع كلامه او فى اختلاف

لكن هو فعلا الحب ده المفروض ان هو زى ما بيقولوا احلى حاجه بين الاتنين

وشكرا بجد على موضوعك ده يا مااااااااااااااارو

[سحاب الحب]

maroo
موضوك جميل جدا وبيحصل مع ناس كتير ياريت الناس دتخل عليه وتقول ريها فيه الموضوع ده شكرا ليكي maroo على الموضوع الرئع دمتي بخير

[سحاب الحب]

تعلقي على الموضوع

ان مفيش حد بيسيب حبيبو بسهوله علشان ميبقاش حيبيبو من الاول اى انسان بيسيب حد بيحبو ليها اسباب واكيد مش هتكون اسباب بسيطه واكتير سباب يخلي الحيبيب يسيب حبيبو الخيانه وانتي مزكرتيش دي فى الموضوع والحب مش تسليه احب يومين واسيب اللى بحبو علشان سباب بصرحه مش شيفو سباب اني اسيب حبي بسبابو بس زي منا قلت قبل كدا فى ناس كتير حصل معها الموضوع ده ربنا يسترها علينا ونحب بجد واى حد بيحب ميسبش حبيبو ابدا

[حمو]

جميل جدا وبجد موضوع رائع