لو شكلك مش عاجبك ,او حاسس انك غبى وماعندكش مواهب او قدرات,او مش قادر تنسى كل المواقف الصعبة اللى مريت بيها فى حياتك افتح صفحة جديدة واول كلمة تكتبها فيها هى "ولا يهمك".......... طويل او قصير,تخين او رفيع !! مناخيرك طويلة او قصيرة,تخينة او رفيعة!! بشرتك سوداء او بيضاء!! شعرك كثيف او اقرع!! ذكى,غبى,عبيط,اهبل!! مريت بمواقف صعبة ,عشت فى ماساة كبيرة!!عندك مشاكل كتيرة,اصحابك تعبينك!! ولاااااااااااااااااااااا يهمك.................... فى الدنيا دايما تلاقى ان( الحلو ما يكملش) لكن صعب جدا انك تلاقى (حلو بس) من غير ما يكملش , او انك تلاقى (ما يكملش بس) من غير حلو...... دايما هتلاقى الاتنين لازقين فى بعض لزق...... اديك امثلة واقعية؟؟! واحدة امورة وجميلة وانيقة وشيك وستايل, اتعاملت معاها لقيتها (كتلة من الغباء)ما بتفهمش لا ابيض ولا اسود!.ورغم كده انا لسه بحبها وهى صحبتى عارف ليه؟!لئن هى كمان مستحملة عيوبىاللى يمكن تكون اسوا من عيبها بس طبعا مش هاولكم على عيوبى(ان الله حليم ستار). واحدة تانية امورة اكتر منها واشيك واجمل منها ,حكيت لها عن اسرارى وعن نفسى ومشاكلى وهمومى,وتانى يوم ,روحت الكلية ولقيت الدفعة كلها ما لهاش سيرة غيرى! , وبرضه لسه بحبها وهتفضل صحبتى وما غيرتش علاقتى معاها غير انى بس حرمت احكيلها على حاجة!! واحد كفيف ماهوش وسيم ولا شبه (كريم عبد العزيز)الاول فى العزف على العود,وفى كل حفلات الجامعة وخصوصا الخيرى منها والثقافى كان له مكان ومش اى مكان ,ده مكان ما يقعدش عليه غير اعظم عازف عود شوفته فى حياتى......وانا من اكتر المعجبات بيه ويمكن اكون باحسده على حب الناس ليه!! صحيح الدنيا زمان كانت بالمظاهر , طب تصدقوا بقى ان حتى من زمان ما كانتش الدنيا بلمظاهر زى ما احنا فاكرينوالدليل(الشيخ احمد ياسين) رحمه الله.... الدنيا عمرها ما كانت بالمظاهر ,قليلين جدا اللى بياخدوا الدنيا بالمظاهر وبيبقوا ظاهرين وباين عليهم قوى مظهرتهم الكدابة ,ودول بقى لا بيرتاحوا فى دنيتهم ولا فى اخرتهم هتنفعهم فيها المظاهر.. يا جماعة خدوا الدنيا كدهه زى ماهى وارضوا بقسمة ربنا ليكوا ولغيركم صحيح الحاجة اللى ممكن نغيرها او فى امل اننا نغيرها ,لازم نحاول بجد ان احنا نغيرها والا هنكون غلط مش صح, بس لازم نغير من نفسنا الاول قبل ما نقعد نتعب نفسنا فى محاولة تغيير الاخرين , لكن فى حاجات ما ينفعش نغيرها لا فى نفسنا ولا فى الاخرين,زر الشكل والذكاء والقدرات والمواقف والخبرات اللى مرت وعدت , وعلى فكرة بقى النا س دلوقتى ما عادتش بتبص على المظهر الخارجى (وعلى فكرة انا ما بتكلمش عن اى ناس انا بتكلم عن الناس المحترمة اللى الواحد يتشرف انه اتعامل معاهم)ولو عايز الدليل (اتبعنى)...!! بص فى المراية كده ,شايف ايه ؟؟ طب بص كويس تانى .هاه شوفت ايه؟؟عارفة (زى القمر)بس خد بالك ان ده منبرة,طب بص على عينك كده..(خضرة,صفرة,حمرة,بيضة,عسلى,بنى,سودة)مش هتفرق....المهم ان عينك عنوانك..تعرفوا ان انا بعرف اذا كان ده اوديه كويس او كويسة من العين؟؟وفى ناس كتير كده تلاقي مثلا حد بيقول(مش مرتاح لنظراته)..هاه بصيت على عينك؟طب قوللى بقى عينك عاملة ازاى؟؟ طب بص كده على قلبك..لقيته طيب ومريح وخفيف ما فيهوش لا حقد ولا غل ولا حسد وزعل وكره؟؟.... طب والسلك الى بين قلبك وعينك بص عليه كده..عارفه؟بتبص عليه؟ شكلك مش عارفه..بس اكيد بتحسه.لما بتشوف طفل صغير مريض او بيبكى,بتلاقى قلبك اتاثر اوى ,تقوم الدموع تنزل من عينك من غير ما تحس تلاقى نفسك بتبكى ومش قادر تسيطر على دموعك (حسب قوة الفولت اللى بيخرج من قلبك)عارف لو بصيت على التلاتة دول ولا قيتهم (مية مية )ساعتها بس اقدر اقولك بص على وشك وملامحك وصفات جسمك وشكلك فى المراية ..عارف هتلاقى مين؟؟؟ اجمل وارق انسان فى العالم..!!وساعتها هتحس فعلا انك(زى القمر) وجودك له معنى وحياتك جميلة,وهتلاقى واحد واثق من نفسه,اكتر ليونة ومسايرة للواقع والمجتمع..هتلاقى الناس كلها بتحبك وتتمنى تقرب منك,حتى القريبين منك هتلاقيهم بيفتخروا ان لهم علاقة ولو بسيطة بواحد جميل زيك... بزمتك مش كده احلى واجمل من التفكير والهم والزعل؟؟!! بعد ده كله وعلى فكرة انا ايدى وجعتنى اوى من الكتابة بس اهه كلوا على شان خاطرك... خللينى اسالك بقى,انت واثق من نفسك؟؟؟ اذا كانت اجابتك" اه يبقى(حياك الله)واذا كانت اجابتك" لا يبقى (خد بقى عندك).... من مؤشرات الصحة النفسية (تقبل الذات والاخرين): ويتضمن مفهوم التقبل ان يتقبل الانسان الصفات التى لا يستطيع تغييرها سواء مع نفسه او مع الاخرين مثل: 1- الخبرات السابقة للفرد لانها مرت وعدت ولا يستطيع تغييرها 2- وان يتقبل الصفات سواء الجسمية (كالطول والحجم ولون البشرة )وكذلك الصفات النفسية مثل (نقص الذكاء والقدرات له وللاخرين )لان هذا يكسب الفرد ثقة بنفسه كان لازم تقول "لا"اهه انت كده وجعت راسك وزودت وجع ايدى اكتر... ممكن بقى اسمع منك (انا واثق من نفسى) اعلى شوية..ايوة كده برافو عليك ...اقولك على سر؟؟ (لما كان مدرس علم النفس بيشرح النقطة ديه كان بيقول لو كنت قصير ,مناخيرك طويلة,"ولا يهمك" كان بيقول كده وهو بيبص عليا)!! "الا هو انا قصيرة ومناخيرى طويلة " ايا يكن ولا يهمنى انا واثقة من نفسى (ماشى يا استاذ احمد الله يسامحك)
اخبار الصحة النفسية ايه النهاردة؟؟؟ يارب تكون احسن...
التوقيع - رحيق الجنة
يا فلطسين
أُقبل وجهك فوق الجبين
و أبكي فيكِ الزمان ال*زين
و أصرخ لألمك و لا أستكين
لو كنت رجلا
ل*ملت سيفا أو سكين
ف ..عذراً لأني امرأة
بين رجال..
ليسوا صلا* الدين
التعديل الأخير تم بواسطة : رحيق الجنة بتاريخ 12-05-2006 الساعة 11:39 AM.
raw3a 3azeezte,,, wa kalaamek sa7,,, teslame 3al mawtuu3 el mumayaz wa 3al nasa2e7 ele 2adamteha, temn mawtuu3 shaye2 wa 2esas mutheera,,, ta7eyate lake
زينب : شكرا على مرورك وعلى ردك الجميل .... شكرا لك .... و اتمنى ان يكون الموضوع قد نال اعجابك
هووبي : استاذ ايهاب دائم رافع معنوياتي ..... و فعلا عند حضرتك حق في اللي قولته ان العيوب بتكون عيوب في السلوك والعادات المتوارثة والقيم المكتسبة من المجتمع
احسان: حضرتك انسان رااااائع جداااا ... ربنا يوفقك ويكرمك ان شاء الله .... وانا اؤيد كلام حضرتك انت و استاذ ايهاب
اشكركم جميعا
التوقيع - رحيق الجنة
يا فلطسين
أُقبل وجهك فوق الجبين
و أبكي فيكِ الزمان ال*زين
و أصرخ لألمك و لا أستكين
لو كنت رجلا
ل*ملت سيفا أو سكين
ف ..عذراً لأني امرأة
بين رجال..
ليسوا صلا* الدين
و لا يهمك
شارك 
